Problemlər barədə 5-6 saat danışa bilər

"Barselona”nın futbolçusu Serxio Buskets komandadakı problemlər barədə danışıb.

Kaspi.az xəbər verir ki, Buskets ötən mövsümün olduqca ağır keçdiyini deyib. O. komandada xeyli problemlərin olduğunu da etiraf edib: "Barsa” üçün yaxşı vaxt deyildi. Əgər problemlər barədə detallı danışmalı olsam, buna 5-6 saat vaxt sərf etməli olaram.

Bizim üçün yaxşı il olmadı. Problemlər həm fərdi, həm də kollektiv idi. Futbol komanda oyunudur.
İndi qarşımızda yeni imkanlar var. Ümid edirəm ki, hər şey yaxşı olacaq”.