“Onların erasının başa çatması çox yaxşıdır”
Xorvatiya Futbol
Federasiyasının prezidenti Davor Şuker Luka Modriçin dünyanın ən yaxşı
futbolçusu seçilməsinə münasibət bildirib.
Kaspi.az xəbər
verir ki, Şuker Messi ilə Ronaldonun mükafatlandırma mərasiminə qatılmamaqları
haqda da danışıb. O, Messi ilə Ronaldo erasının başa çatmasını alqışladığını
vurğulayıb:
"Mən bu gecənin
ruhuna xələl gətirmək istəmirəm. Ona görə də sərt danışmayacağam. Amma fikirlərimi
bir müddət sonra açıqlayacağam.
Həyat daimi qələbələrdən
ibarət deyil. Məğlub olduğun vaxt da hörmət göstərməyi bacarmalısan. Nəhayət
ki, Messi və Ronaldo erası başa çatdı. Bu, futbol üçün çox yaxşıdır.
Modriçin bütün
il boyu etdiklərini nəzərə alsaq, bu mükafata layiq idi”.