“Ona etdiyim hörmətin yarısını mənə etsə, dost olarıq”
"Mançester
Yunayted”in baş məşqçisi Joze Mourinyo "Arsenal”ın çalışdırıcısı Arsen Vengerlə
münasibətlərindən danışıb.
Kaspi.az xəbər
verir ki, Mourinyo Vengerlə münasibətləri qaydasına salmağa hazır olduğunu
deyib. Ancaq o, bunun üçün fransız mütəxəssisin ona hörmət etməli olduğunu da
vurğulayıb:
"Əgər Arsen ona
olan hörmətimin yarısını mənə etsə, onda biz dost ola bilərik. Mən ona böyük
hörmət bəsləyirəm.
Son illərdə bu
hörmətimi nümayiş etdirməyə çalışmışam. Daha onunla aramızda münaqişə yaşanmır.
Münaqişə yaşadığımız anlar karyeramın başqa dönəmi idi.
Aleks Ferqyuson
MY-dən gedəndə çox təəssüflənmişdim. İndi isə başqa bir ikona Premyer Liqanı tərk
edir”.