Bakı 23°C
Mourinyonun ironik xoşbəxtliyi
"Mançester
Yunayted”in baş məşqçisi Joze Mourinyo "Liverpul”un çalışdırıcısı Yurgen
Kloppun transfer siyasətinə münasibət bildirib.
Kaspi.az xəbər
verir ki, Mourinyo Kloppun transfer siyasətinin dəyişdiyini və buna görə
sevindiyini deyib. Bu ironiyalı cavabla, o, Kloppun 2 il əvvəl dediklərini
xatırladıb:
"Əgər sənin
pulun varsa və ondan düzgün yatırım etməyi bacarırsansa, onda bu, vəsaiti banka
qoymaqdan yaxşıdır. Ona görə ki, bankın verdiyi faiz olduqca aşağıdır.
Maraqlıdır ki, bəzi
insanlar artıq transfer siyasətini dəyişiblər, futbolçu almaq üçün daha çox pul
xərcləyirlər. Buna görə xoşbəxtəm.
Düşüncə dəyişir, bu da təbiidir.
Bəlkə bu mövsüm
siz "Liverpul”dan qələbə tələb edəsiniz? Mən hesab edirəm ki, siz düzgün
davranmalı və edilən bahalı transferlərə görə, "Liverpul”dan Premyer Liqada qələbə
tələb etməlisiniz”.
2016-cı ildə MY
Poqbanı transfer etdikdə, Klopp bu qədər pul xərcləməyin mənasız olduğunu
bildirmişdi. Ancaq indi "Liverpul” bahalı transferlər edərkən, Yurgen bunu
"zamanın tələbi” adlandırıb.
