Bakı 23°C
“Mourinyo futbolda gözəllik yox, düşmən axtarır”
"İnter”in sabiq
futbolçusu Tyaqo Motta Joze Mourinyo ilə çalışdığı dönəmdən danışıb.
Kaspi.az xəbər
verir ki, Motta Mourinyonu intriqabaz adam kimi xarakterizə edib. O, Jozenin
daim düşmən axtardığını vurğulayıb:
"Mourinyonun iki
tərəfi var. O, qələbə qazananda çox xoşbəxtdir, məğlub olanda isə qəzəbli. Əgər
komanda yaxşı oynayıb, amma məğlub olubsa, Joze pozitiv heç nə tapa bilməyəcək.
Yox, pis oynayıb, qalib gəlibsə, hər şey qaydasında olacaq.
O, futbolda gözəllik
yox, düşmən axtarır. Əgər düşmən yoxdursa, Mourinyo onu yaradacaq.
Xatırlayıram, "İnter” 11 xal fərqi ilə lider idi. Bir oyunda uduzduq, birində
isə heç-heçə etdik. Bundan sonra Mourinyo mətbuat konfransı keçirib hamını
ittiham etdi: Qallianini, "Roma”nı, "Yuventus”u, hakimləri. Ona, atmosferi təzələmək
lazım idi”.
Mourinyo "İnter”ə
2008-2010-cu illərdə rəhbərlik edib.
