“Mişka”nın müəllifi öldü

Məşhur rəssam Viktor Çijikov vəfat edib.

Kaspi.az xəbər verir ki, rəssam 84 yaşında dünyasını dəyişib. O, Moskva Olimpiadasının simvolu olan "Mişka”nın müəllifi kimi məşhurlaşıb.

1980-ci ildə keçirilən Moskva Olimpiadasını 60 ölkə boykot etmişdi. Həmin ölkələr SSRİ-nin Əfqanıstana ordu yeritməsinə etiraz əlaməti olaraq bu addımı atmışdılar.

Olimpiadada ən çox medalı da elə SSRİ idmançıları qazanmışdılar – 195 (80 qızıl, 69 gümüş, 46 bürünc).