“Milan”ın işini arbitraj palatasına göndərdilər
UEFA-nın maliyyə
məsələləri ilə bağlı istintaq palatası "Milan”a qarşı maliyyə feyr-pleyinə görə
irəli sürülmüş ittihamın araşdırmasını yekunlaşdırıb.
Kaspi.az xəbər
verir ki, iş arbitraj palatasına göndərilib. UEFA-nın saytında yayılan məlumatda
bildirilir ki, "Milan” təşkilatın tələblərini yerinə yetirməyib.
UEFA bu işlə
bağlı olaraq, "Milan”a Avropa Liqasındakı çıxışa görə verilməli olan 12 milyon
avronun ödənilməsini dayandırıb.
"Milan” daha əvvəl
Avrokuboklardan uzaqlaşdırılmışdı. Ancaq klub
İdman Arbitraj Məhkəməsinə müraciət edərək qərarın dəyişdirilməsinə nail
olmuşdu.