Həyat yoldaşı onun “Yuve”dən niyə getdiyini açıqladı
Yayda Leonardo Bonuççinin "Yuventus”dan "Milan”a keçməsi böyük
söz-söhbətə səbəb oldu.
İddia olunurdu ki, Bonuççi komandanı baş məşqçi Massimiliano Alleqri
ilə münaqişə ucbatından tərk edib. Kaspi.az xəbər verir ki, futbolçunun həyat
yoldaşı Martina Makkari məsələ ilə bağlı açıqlama verib:
"Onun komandadan getmək qərarı Alleqri ilə münaqişəyə görə
verilməmişdi. Mən hesab edirəm ki, peşəkar sferada balansın qorunması bütün
tərəflər arasında əsas amil olmalıdır.
Leonardo ətrafında baş verən gözlənilməz dəyişikliklərə görə getdi.
İndi o, tamamilə sakitdir. "Milan”a keçmə qərarını özü qəbul etdi. Mən isə
yaxşı bir həyat yoldaşı olaraq, bu məqamda onun
yanında oldum.
Bundan sonra ən azından bizim ailədə derbi qovğası olmayacaq”.
Qeyd edək ki, Bonuççinin oğlu Lorentso "Torino”nun çılğın
azarkeşidir. O, "Torino”nun hücumçusu Andrea Belottinin pərəstişkarıdır.