Bakı 14°C
Hər gün Messi ilə Suaresə 50 avro uduzurmuş
"Barselona”nın
futbolçusu Yerri Mina komanda yoldaşalrı ilə münasibətdən danışıb.
Kaspi.az xəbər
verir ki, Mina xüsusən də Messi və Suareslə yaxşı münasibət formalaşdırdığını
bildirib. O, bu futbolçularla mərcə girdiyini və hər gün 50 avro uduzduğunu da
etiraf edib:
"Komandaya yeni
qoşulanda Messi və Suaresə daha yaxın olmağa üstünlük verdim. Aramızda dostluq
münasibəti formalaşdı.
Biz cərimə zərbələrini
kimin daha yaxşı vuracağı ilə bağlı mərcə
girirdik. Hər gün uduzurdum və onlara 50 avro ödəyirdim.
Hərdən fikirləşirdim
ki, axı mən niyə onlara hər gün pul ödəməliyəm. Gülməlidir, ancaq deməliyəm, bu
uşaqlar topu hara istəyirdilərsə, o nöqtəyə də vururdular.
Onlar böyük
futbolçulardır. Hətta deyərdim ki, sehrbazdırlar”.
Kolumbiyalı
müdafiəçi ötən mövsüm "Barsa”nın heyətində cəmisi 5 oyun keçirib.
