Həbsdə olanda ağlayırmış

"Barselona”nın sabiq prezidenti Sandro Rosel həbsxana həyatı barədə danışıb.

Kaspi.az xəbər verir ki, Sandro həbsxanada olarkən emosiyalarına hakim ola bilmədiyini deyib. O, bu müddətdə bir neçə dəfə ağladığını da etiraf edib:

"Həbsxanada ağlayırdım. Depressiyadan yox, köməksizlikdən. Amma məndə depressiyanın olduğunu da etiraf edirəm. Əvəllcə bir qədər zalım və qürurlu idim. Deyirdim ki, mən ağlaya bilmərəm.

Amma sonradan özümü saxlaya bilmədim. Neçə dəfə ağladığımı dəqiq bilmirəm, məncə, 5 dəfədən yuxarı olub belə hal”.

Sandro 643 gün həbsdə qalıb. O, çirkli vəsaitin yuyulmasında ittiham edilib.