Gürcüstan çempionatında Rusiyaya etiraz
Gürcüstanın futbol klubları Rusiyaya qarşı etiraz aksiyası
keçiriblər.
Kaspi.az xəbər verir ki, Gürcüstan çempionatının 19-cu turunda
Kutaisi "Torpedo”su, Tbilisi "Lokomotiv”i və "Rustavi” klubları meydana
anti-Rusiya şüarı ilə çıxıblar.
Bu komandaların geyindiyi formaların üzərinə Rusiyanın işğalçı olduğu
yazılıb: "Biz Gürcüstandanıq. Bizim torpaqlarımız Rusiya tərəfindən işğal
olunub”.
Rusiyalı deputat Sergey Qavrilovun Gürcüstan parlamentində çıxış
etməsindən sonra Tbilisidə etiraz aksiyaları başlayıb.