Gecə saat 3-də həyat yoldaşını oyadıb, “Barsa”ya görə
"Atletiko”nun
futbolçusu Antuan Qrizmann "Barselona”dan aldığı təklif zamanı necə davrandığı
barədə danışıb.
Kaspi.az xəbər
verir ki, Qrizmann həmin vaxt hətta yuxu rejiminin də pozulduğunu deyib. O, məsələ
ilə bağlı ailə üzvləri ilə də məsləhətləşib:
"Həmin ərəfədə
özümü o qədər də yaxşı hiss etmirdim. Hətta yuxum da qaçmışdı. Gecə saat 3-də həyat
yoldaşımı oyadıb "biz nə etməyi planlaşdırırıq” sualını verdim.
Ancaq o, mənə
kömək etmək iqtidarında deyildi. Həyat yoldaşım başımda nə olduğunu bilmirdi.
Ondan əlavə,
valideynlərimlə də məsləhətləşdim. Ailə üzvlərimdən kimsə məni "Barselona”da
görmək istəyirdi, kimsə də yox. Ona görə də qərar vermək çox çətin oldu”.
Qrizmann
"Barselona”nın təklifindən imtina edərək, "Atletiko” ilə müqaviləsini 2023-cü
ilə qədər uzadıb.