Fatmaya qarşı ittiham təsdiqini tapmadı
FİFA təşkilatın
baş katibi Fatma Samuraya qarşı şübhələri aradan qaldırıb.
Kaspi.az xəbər
verir ki, Fatmaya qarşı təşkilatın etik kodeksini pozmaqla bağlı şübhələr
yaranmışdı. Onu Mərakeşin DÇ-2026-ya ev sahibliyi etməsində maraqlı olmaqda ittiham
edirdilər.
İddia olunurdu
ki, tam adı Fatma Samba Diuf Samura olan baş katibin, Mərakeşin DÇ-2026 ilə bağlı səfiri, "Liverpul”un sabiq
futbolçusu Əl-Haci Diufla qohumluq əlaqəsi var.
Fatma özü bu məlumatı
təkzib etmişdi. Araşdırmalardan sonra isə FİFA baş katibə qarşı bütün şübhələrin
aradan qalxdığını bildirib.
DÇ-2026-ya Mərakeşdən
savayı, ABŞ, Kanada və Meksika da birgə ev sahibliyi etmək istəyir.