“EYOF Bakı 2019”: tennis yarışlarında idmançımız mübarizəyə qoşulub

“EYOF Bakı 2019”: tennis yarışlarında idmançımız mübarizəyə qoşulub

İdman
21 İyul 2019, 12:36 15732
Bakı Tennis Akademiyasında "EYOF Bakı 2019” XV Avropa Gənclər Yay Olimpiya Festivalının tennis yarışlarında idmançımız Polina Drobişev mübarizəyə qoşulub.
Trend-in məlumatına görə, təmsilçimiz qızların fərdi yarışlarında slovakiyalı Salma Druqdova ilə qarşılaşır.
Bundan başqa Pia Marija Rebec (Sloveniya) Arica Todoni (Rumıniya), Pedro Rodenas (İspaniya) Erden Er (Türkiyə), Forta Morina (Kosova) Çelsi Fontenel (İsveçrə), Dominika Salkova (Çex Respublikası) Dani Juna (Albaniya), Andreas Sillaste (Estoniya) Patrik Jurina (Xorvatiya) görüşləri də keçirilir.
Tamerlan Əzizov isə fərdi yarışda italiyalı Daniele Minigini ilə mübarizə aparacaq.
Qeyd edək ki, bu gün Bakıda XV Avropa Gənclər Yay Olimpiya Festivalı start götürüb. İyulun 27-nə qədər davam edəcək mötəbər turnir 12 idman obyektində keçiriləcək.

Festivalda Avropanın 48 ölkəsindən 3900 atlet iştirak edəcək. İştirakçıların 52 faizi oğlan, 48 faizi isə qızdır. İdmançılar 135 dəst medal uğrunda güclərini sınayacaqlar. Mükafatçılar üçün ümumilikdə 930 medal hazırlanıb. Medalların 300-ü qızıl, 300-ü gümüş, 330-u isə bürüncdür.
Festivalda Azərbaycanı 122 idmançı təmsil edəcək.
XV Avropa Gənclər Yay Olimpiya Festivalında atletlər idmanın 10 növü - gimnastika, atletika, basketbol, velosiped idmanı, həndbol, cüdo, üzgüçülük, tennis, voleybol və güləş üzrə yarışlarda qüvvələrini sınayacaqlar.