AZƏRBAYCANDA KORONAVIRUSLA BAĞLI XƏBƏRLƏR

“Dedim ki, müəllim, cırmayın, o dəftər yeganə nüsxədir” – Məktəb illəri

“Dedim ki, müəllim, cırmayın, o dəftər yeganə nüsxədir” – Məktəb illəri

Gənclik qəzeti
23 May 2020, 12:30 1713
 
Məktəb illəri ömrün ən şirin, qayğısız illərinə təsadüf edir. Ona görə, o illərdən danışanda hər kəsin danışmağa sözü, xatirəsi çox olur. Əməkdar artist, "Qaya” Dövlət Ansamblının solisti Şölə Səfərəliyevanın da o illərdən xatirəsi çoxdur, bu dəfə onlardan birini bizimlə bölüşdü:

"Məktəb illərindən məndə şeir yazmaq həvəsi yaranıb. Şeir də elədir ki, gərək yadıma düşən kimi yazam, yoxsa unuduram. Ona görə, dəftərim üstümdə olurdu. Dərsdə də altdan-altdan, müəllimdən xəbərsiz yazırdım. Bir dəfə coğrafiya dərsində şeir qeydi apardığım vaxt müəllim gördü. Yaxınlaşıb aqressiv şəkildə dedi ki, burda nə edirsən? Dedim ki, şeir yazıram. Çox hirsləndi. O da elə biri idi ki, dərsdən kənar nə isə tuturdusa, cırıb atırdı. Mənim dəftərimi də əlinə götürüb cırmaq istəyəndə, çox pis oldum. Soyuqqanlı şəkildə dedim ki, müəllim, onu cırmayın, o dəftər yeganə nüsxədir. Dayanıb bir neçə saniyə mənə baxdı və dəftəri masanın üstünə atdı. Beləliklə, dəftərim qurtuldu. Çünki yazdığım bütün şeirlər orda idi, cırsaydı, hamısı gedəcəkdi. Sonra da dərsdə şeir yazmağı dayandırmadım (gülür). İllər sonra o şeirlərdən birini də məktəbə həsr etdim. Bu yaxınlarda "Məktəb yolları” adlı mahnı oxudum. Onun sözlərinin bir hissəsi Bəxtiyar Vahabzadəyə, bir hissəsi də mənə aiddir”.
 
Aygün