Bolt zarafat etmir, məşqə başladı
Əfsanəvi yamaykalı atlet Useyn Bolt futbolla bağlı məsələdə zarafat
etmir.
Kaspi.az xəbər verir ki, Bolt yüksək səviyyədə futbol oynamaq
arzusunu reallaşdırmaq niyyətindədir. 8 qat olimpiya çempionu artıq məşqlərə başlayıb.
Bolt CAR çempionatının lideri "Mamelodi Sandaunz” klubunun
düşərgəsində məşq edir. Bu barədə məlumatı klub saytı yayıb.
Bolt ayrı-ayrı vaxtlarda "Mançester Yunayted” və Dortmund
"Borussiya”sının da heyətində məşq edib. Karyerasını ötən ilin yayında bitirən
Bolt bildirmişdi ki, futbolla yüksək səviyyədə məşğul olmaq niyyətindədir.
O, karyerasının son yarışında - Londonda keçirilən dünya
çempionatında zədələnmişdi və 5 ay müddətində müalicə olunmuşdu.