Bakı 23°C
BOK İAM-ın bəraət verdiyi rusiyalıları olimpiadaya buraxmadı
Beynəlxalq Olimpiya Komitəsi (BOK) İdman Arbitraj məhkəməsinin bəraət
verdiyi 13 idmançını və 2 məşqçini Cənubi Koreyanın Pxençxan şəhərində
keçiriləcək Qış Olimpiya Oyunlarına buraxmaqdan imtina edib.
Kaspi.az xəbər verir ki, bu barədə məlumat BOK-un saytında yayılıb.
Xüsusi komissiya məhkəmənin qərarını araşdırdıqdan sonra idmançıların
olimpiadada iştirakına icazə verməyib.
Komissiyanın açıqlamasında deyilir ki, məhkəmə idmançıların olimpiya
oyunlarında iştirakına tətbiq edilən qadağanı aradan götürüb. Ancaq bu o demək
deyil ki, həmin idmançılar mütləq bu olimpiadada iştirak etməlidirlər.
BOK 28 rusiyalı idmançını ömürlük cəzalandırmışdı. İAM isə onlara
bəraət verib.
