Bədən Tərbiyəsi və İdman Akademiyasında qanvermə aksiyası keçirilib
Bu gün Azərbaycan Dövlət Bədən Tərbiyəsi və İdman
Akademiyasında Dövlət Bayrağı Günü və akademiyanın
89 illiyinə həsr olunmuş könüllü qanvermə aksiyası
keçirilib.
Hər il ənənəvi şəkildə keçirilən layihə Səhiyyə
Nazirliyinin B.Eyvazov adına Elmi - Tədqiqat Hematologiya və Transfuziologiya
İnstitutunun Mərkəzi Qan Bankının əməkdaşlığı ilə həyata keçirilir.
Artıq 4 ildir təşkil olunan layihədə Akademiyanın professor-müəllim
və tələbə heyəti Hemofiliya və Talassemiyadan əziyyət çəkən uşaqlar üçün
könüllü şəkildə qan verirlər.
"Qan verək, bir həyatın qəhrəmanı da biz olaq" şüarı ilə keçirilən aksiyada məqsəd,
tələbələr arasında humanist ideyaları təbliğ edərək, həyat xilas etmək
üçün addım atmaqdır.