“Barsa”nın ulduzu yeni turnir yaradır - Tennisdə
"Barselona”nın futbolçusu Xerard Pikenin çılğın tennis həvəskarı
olduğu bəllidi.
Kaspi.az xəbər verir ki, Pike tennisdə yeni turnir yaratmaq
niyyətindədir. Onun World Team Cup turniri Devis Kubokuna alternativ olacaq.
Pike artıq tennisin məşhur simalarından dəstək alıb. Onun ideyasını
Novak Cokoviç, Endi Marrey və Rafael Nadal bəyənib.
World Team Cup turniri 1975-ci ildən 2012-ci ilə qədər Dyusseldorfda
keçirilib. Pike artıq ideyası ilə bağlı danışıqlara başlayıb. O, Peşəkar
Tennisçilər Assosiasiyası ilə 10 illik müqavilə bağlamaq niyyətindədir.