Bakı olimpiadasının tarixi açıqlandı

2016-cı ildə Bakıda keçiriləcək Ümumdünya Şahmat Olimpiadasının tarixi açıqlanıb. Lent.az-ın Beynəlxalq Şahmat Federasiyasının (FİDE) rəsmi saytına istinadən verdiyi məlumata görə, olimpiada sentyabrın 17-dən 30-dək davam edəcək.
Nüfuzlu yarış müddətində FİDE Konqresi işə başlayacaq. Konqresə sentyabrın 20-dən 30-dək müddət ayrılıb.
2015-ci il Dünya Kubokunun isə dəqiq tarixi hələ məlum deyil. 128 şahmatçının qatılacağı yarış üçün avqust – noyabr ayları müəyyənləşdirilib.
Qeyd edək ki, Dünya Kuboku “Baku Crystal Hall”da baş tutacaq.