AZƏRBAYCANDA KORONAVIRUSLA BAĞLI XƏBƏRLƏR

Azərbaycan televiziyaları rəqəmsal yayıma keçir

Azərbaycan televiziyaları rəqəmsal yayıma keçir

Cəmiyyət
03 İyun 2013, 08:42 1559
Bu ilin sonundan etibarən Azərbaycanda analoq televiziya yayımı dayandırılacaq. «APA-Economics»in məlumatına görə, bunu rabitə və informasiya texnologiyaları naziri Əli Abbasov bildirib.

Ə.Abbasovun sözlərinə görə, Azərbaycanda rəqəmsal televiziya yayımına keçidlə əlaqədar işlər sürətlənib: «Artıq bu ilin sonundan analoq yayım dayandırılacaq və gələn ildən tamamilə rəqəmsal yayıma keçiləcək».

Qeyd edək ki, bütün ölkə ərazisində rəqəmsal televiziya yayımını təşkil etmək məqsədilə xüsusi TV-paketlər hazırlanacaq. Həmçinin, aztəminatlı ailələrin raqlarını nəzərə alaraq sosial TV-paketlərində formalaşdırılması planlaşdırılır. Payız aylarınadək aztəminatlı ailələr, onlara imtiyazlı TV dekoderlərin verilməsi üzrə ümumi məbləğ hesablanaraq Nazirlər Kabinetinə təqdim olunacaq. Artıq ilin sonunadək analoq televiziya yayımının dayandırılması ilə bağlı əhali dekoderləri ala biləcək, aztəminatlı ailələr isə dövlət hesabına sözügedən avadanlıqla təmin olunacaq. İlkin olaraq aztəminatlı ailələrə dekoderlərin verilməsi məqsədilə 5 mln. manatın ayrılması nəzərdə tutulurdu.