AZE | RUS | ENG |

Azərbaycan elektrik enerjisi istehsalını artıra bilər

Azərbaycan elektrik enerjisi istehsalını artıra bilər
Azərbaycanda 2020-ci ildə elektrik enerjisinin istehsalı 27,5-28 mlrd. kVt-saatadək artırıla bilər. Bu barədə "APA-Economics” apardığı hesablamalara əsasən xəbər verir.
Hesablamalar zamanı ötən il ölkədə istehsal edilən elektrik enerjisinin həcmi, bu il istehsalda müşahidə edilən artım templəri və cari ilin sentyabr ayında istismara verilən "Şimal-2” elektrik enerjisinin istehsal gücü nəzərə alınıb.
Qeyd edək ki, 2018-ci ildə ölkədə 23 243,7 mln. kVt-saat elektrik enerjisi istehsal edilib. "Şimal-2” elektrik stansiyası il ərzində 3,2 milyard kVt-saat elektrik enerji istehsal edəcəyini və bu il ölkədə istehsal edilən elektrik enerjinin aylıq göstəricilərini nəzərə alaraq (ortalama 5% artım) gələn il Azərbaycanda 27,5-28 mlrd. kVt-saat elektrik enerjisi istehsal edilə bilər.
Xatırladaq ki, "Şimal” elektrik stansiyası 57,4% faydalı iş əmsalına malikdir ki, bu da Cənubi Qafqaz regionunda ən yüksək faydalı iş əmsalı deməkdir. Elektrik stansiyası il ərzində 3,2 mlrd. kVt-saat elektrik enerji istehsal edəcək və hər bir kVt-saat elektrik enerjisinin buraxılışına 214,3 qram şərti yanacaq sərf ediləcək ki, bu da enerji sisteminin ümumi göstəricisindən 65 qram azdır.
Hazırda ən yüksək faydalı iş əmsalına malik olan "Şimal-1” və "Şimal-2” elektrik stansiyaları birlikdə respublika üzrə elektrik enerjisi istehsalının 20%, Bakı və Abşeron yarımadası üzrə 40-50% təşkil edəcək. "Şimal” elektrik stansiyası enerji sisteminin texniki-iqtisadi göstəricilərinin yaxşılaşdırılmasına əsaslı təsir etməklə yanaşı, il ərzində 77 mln. kubmetr təbii qazın qənaətinə və regionlardan Bakı şəhərinə verilən enerjinin miqdarının 20% azalması nəticəsində elektrik enerjisinin uzaq məsafədən ötürülməsindən yaranan 199 mln. kVt-saat elektrik enerjisi itkisinə qənaət olunmasına imkan yaradacaq.


Paylaş:

Facebook-da

Xəbər lenti

Valyuta məzənnəsi

Tipi Ədə. Adı AZN
USD 1 1 ABŞ dolları 1.7
EUR 1 1 Avro 1.8766
GEL 1 1 Gürcüstan larisi 0.5734
GBP 1 1 İngiltərə funt sterlinqi 2.1213
IRR 100 100 İran rialı 0.004
SEK 1 1 İsveç kronu 0.1748
CHF 1 1 İsveçrə frankı 1.7057
KWD 1 1 Küveyt dinarı 5.5915
TRY 1 1 Türkiyə lirəsi 0.299