Argentina Çiliyə qalib, Messi oyundan qovulub

Argentina Çiliyə qalib, Messi oyundan qovulub

İdman
07 İyul 2019, 10:37 263
Argentina millisi Amerika Kubokunda üçüncü yer uğrunda oyunda Çili kollektivinə qalib gəlib.
Trend-in məlumatına görə, San-Paulonun "Korintians" stadionunda baş tutan matçda Argentina yığması rəqibini 2:1 hesabı ilə məğlub edərək üçüncü yeri tutub.
Argentina komandasının qollarını Aquero (12-ci dəqiqə) və Dibala (22-ci dəqiqə), Çili yığmasının cavab topunu isə penaltidən Vidal (59-cu dəqiqə) vurublar.
Oyunun 37-ci dəqiqəsində Lionel Messi və Qari Medel meydandan qovulub. Buna səbəb onların arasında baş verən dava olub.

Xatırladaq ki, Amerika kubokunun bu gün keçiriləcək finalında Braziliya və Peru komandaları qarşılaşacaq.