Ançelottinin DÇ-2018 proqnozu
"Napoli”nin yeni baş məşqçisi Karlo Ançelotti
DÇ-2018-lə bağlı fikirlərini bildirib.
Kaspi.az xəbər
verir ki, Ançelotti mundialın əsas favortinin hansı komanda olduğu barədə mövqeyini
bildirib. O, eyni zamanda DÇ-nin sürpriz komandalarının da hansılar ola biləcəyi
barədə versiyasını açıqlayıb:
"Hesab edirəm
ki, Braziliya yığması DÇ-nin əsas favoritidir. Onların baş məşqçisi Tite güclü
komanda formalaşdırmağı bacarıb. Bu komandanın güclü müdafiə xətti var, üstəlik,
bu müdafiə xətti inanılmaz hücum potensialına da sahibdir.
Ancaq DÇ-nin
qalibi Argentina, İspaniya və Almaniya da ola bilər. Mundialın sürpriz
komandasının isə Belçika ola biləcəyini düşünürəm. Bu komandanın xeyli futbolçusu
Premyer Liqada çıxış edir. Təcrübəli və ustalıq səviyyəsi yüksək olan
Xorvatiyanı da qeyd etmək lazımdı”.