2018-ci ilin ən yaxşıları - Messi Ronaldodan öndə
ESPN FC 2018-ci
ilin ən yaxşı futbolçularını müəyyənləşdirib.
Kaspi.az xəbər
verir ki, təşkilat bunun üçün ekspert komissiyası formalaşdırıb. Komissiyanın tərkibinə
25 ekspert daxil edilib. Futbolçular 9 mövqe üzrə fərqləndiriliblər.
Komissiya
ümumilikdə 90 ən yaxşı futbolçunu və 10 ən yaxşı məşqçini seçib. Mövqelər üzrə ən
yaxşılar bunlardır: David de Xea, Dani Karvaxal, Serxio Ramos, Marselo, Luk
Modriç, Kevin de Bröyne, Sadio Mane, Lionel Messi, Harri Keyn. Ən yaxşı məşqçi
nominasiyasının qalibi isə Xosep Qvardiola olub.
Hücumçular
nominasiyasında Messidən sonrakı yeri Ronaldo tutub. O, ikinci il dalbadal bu
qiymətləndirmədə Messiyə məğlub olub.