145 yaşlı mətbuatın mükafatçıları - Fotolar
KİV-lə
bağlı verilən sərəncamlar ölkə başçısının mətbuata olan diqqət və qayğısının göstəricisidir
Əsası 1875-ci
ildə Həsən bəy Zərdabinin "Əkinçi” qəzetinin nəşri ilə qoyulan mətbuatımızın bu
il 145 yaşı tamam olur. Mətbuatımızın banisi Zərdabinin təbirincə desək, bir əsrdən
çoxdur ki, mətbuat xalqın ictimai, siyasi həyatına güzgü tutur. Bununla bərabər,
insanların milli mənlik şüurunun inkişafında və maariflənməsində böyük rol
oynayır. 145 il əvvəl xalqın inkişafına, maariflənməsinə dəstək olan mütəfəkkirlərimizin
missiyasını bu gün də yeni nəsil jurnalistlər davam etdirir. Uzun və şərəfli
bir yol keçən mətbuatımız indi də peşəkar jurnalistlərin sayəsində varlığını
qoruyub saxlaya bilir. Mətbuatın inkişafında işini bilən və vicdanla çalışan
jurnalistlərin rolu böyükdür. Tarixin süzgəcindən süzülərək bu günümüzədək gələn
mətbuat ənənələrini yaşadan həmkarlarımızın əməyini qiymətləndirməmək olmazdı. Prezident
İlham Əliyev milli mətbuatın yaranmasının 145-ci il dönümündə bəzi jurnalistləri
təltif edib. Həmkarlarımızı bu münasibətlə təbrik edib, fikirlərini öyrəndik.
«Xalq Cəbhəsi»
qəzetininin baş redaktoru Elçin Mirzəbəyli«Əməkdar jurnalist» fəxri
adına layiq görülənlər sırasındadır. Baş redaktor prezidentin ona göstərdiyi
etimada görə minnətdar olduğunu qeyd edir: "Azərbaycan Milli Mətbuatının 145
illik yubileyinin dövlət səviyyəsində qeyd olunması, mətbuatın inkişafında xidmətləri
olan jurnalistlərə fəxri adların verilməsi, media nümayəndələrinin orden və
medallarla təltif edilməsi, qəzet redaksiyalarına birdəfəlik maddi yardımın
ayrılması ilə bağlı imzalanan sərəncamlar dövlət başçısının Azərbaycan mətbuatına,
jurnalist əməyinə verdiyi yüksək qiymətin bariz nümunəsidir. Cənab Prezidentin
sərəncamı ilə «Əməkdar jurnalist» fəxri adına layiq görülən media təmsiçilərinin
sırasında adımın olmasından qürur hissi keçirirəm. Həmçinin ölkə başçısına mənə
və baş redaktoru olduğum «Xalq cəbhəsi» qəzetinə göstərdiyi yüksək etimada və
diqqətə görə dərin minnətdarlığımı bildirirəm”.
Parlament
Jurnalistləri
Birliyinin sədri, "Modern
Media Group”un baş direktoru Elşad Eyvazlınınsözlərinə
görə,
insanın işinin dövlət başçısı tərəfindən yüksək dəyərləndirilməsi
onun üçün ən böyük stimuldur: "Daha yaxşı işləmək üçün bundan böyük qiymət, məvacib yoxdur. Düşünürəm ki,
bu mükafat mənim üzərimə əlavə bir məsuliyyət qoydu. Elə bir
zamanda yaşayırıq
ki, vətəndaş olaraq
hər kəs çalışdığı sahədə
daha çox aktiv olmalıdır. Biz güclü
olmalıyıq ki, torpaqlarımızı işğaldan azad edək. Biz güclü
olmalıyıq ki, dövlətimiz
də güclü olsun. Əməyimə verilən qiymətə görə cənab Prezident İlham Əliyevə dərin təşəkkürümü
bildirirəm”.
Bakı
Dövlət Universitetinin Jurnalistika fakültəsinin dekanı, filologiya elmləri
doktoru Vüqar Zifəroğluda cənab Prezidentə təşəkkürünü bildirir və
qeyd edir ki, bir jurnalist üçün "Əməkdar jurnalist” adından daha qiymətli bir ad
ola bilməz: "Çünki bu adı sənə Prezident verir, dövlət verir. Bu ad peşə fəaliyyətinə
verilən ən yüksək qiymətdir, dövlətinin sənin fəaliyyətinə verdiyi dəyərdir. Öz
peşəsinə hörmətlə, diqqətlə yanaşan, öz peşəsinin qiymətini bilən hər bir peşəkar
jurnalist üçün bu ad olduqca qiymətlidir. Bu mənada xoşbəxtəm və çox sevinirəm.
Şərəfli, tarixi bir yol keçmiş milli jurnalistikamızın, 1928-ci ildən
başlayaraq Azərbaycanda ali jurnalistika təhsilinin əsasını təşkil edən fakültəmizin,
100 illik şərəfli tarixi olan elm məbədgahı Bakı Dövlət Universitetinin, kiçik də olsa, bir zərrəsi olmağımla qürur duyuram. Bu
gün dövlətimiz iki cəbhədə - həm pandemiyaya, həm torpaqlarımızı qəsb etmiş işğalçılara qarşı mübarizə aparır. Və hər iki
mübarizənin informasiya cəbhəsində ön sırada fədəkar jurnalistlərimizdir. Bizim
hər birimiz öz peşə borcumuzu ləyaqətlə, vicdanla yerinə yetirərək dövlətimizin,
Prezidentimizin yanında olmalıyıq. Bu, bizim, həm də jurnalist olaraq sosial məsuliyyət
hissimizdən irəli gələn başlıca meyar olmalıdır. Zaman, o zamandır! Milli mətbuatımızın
145 illiyi münasibəti ilə təltif edilən bütün həmkarlarımı ürəkdən təbrik
edirəm. Onlara peşə fəaliyyətində uğurlar, müvəffəqiyyətlər arzu edirəm.
Ünvanıma təbrik yazan, telefonla arayıb axtaran dostlarıma, həmkarlarıma, ən
azı mənim qədər sevinən əziz tələbələrimə təşəkkürümü bildirirəm”.
"Kaspi"
qəzetinin parlament müxbiri, "Tərəqqi" medalı ilə təltif olunan
jurnalist Rufik İsmayılovunfikrincə, prezident İlham Əliyevin
imzaladığı sərəncamlar ölkənin ali rəhbərliyinin milli mətbuatımıza, milli
jurnalistikamıza, peşəkar jurnalistika ilə məşğul olanlara ən yüksək səviyyədə
diqqət və qayğıdır, onların əməyinə verilən yüksək dəyərdir:
"Mükafatlandırılanlar sırasında olmağım həm qürur hissi yaşadır, həm də üzərimə
böyük məsuliyyət qoyur. Çalışacağam ki, gələcəkdə öz fəliyyətimlə bu yüksək
etimadı daim doğruldum. İdeoloji cəbhənin əsgəri olaraq hər zaman Azərbaycan
xalqına və onun dövlətçiliyinə xidmət edir, Prezident İlham Əliyevin rəhbərliyi
ilə həyata keçirilən siyasi kursu dəstəkləyirəm”.
"ATV Səhər”
redaksiyasının baş redaktoru, "ATV Qərargah” verilişinin müəllifi Yaqut Tapdıqqızıbu mükafatın peşə sahəsindəki məsuliyyətlərini
ikiqat artırdığını söyləyir: "Sözün həqiqi mənasında böyük fəxr və qururdur.
Dövlət başçısı tərəfindən verilən qiymət bu sahədə əmək sərf edən insanların
gözlədiyi məqamdır. Jurnalist, ona
verilən dəyərlə ruhlanır. Bəzən kiçik bir yazın, süjetin media aləmində necə səs-küyə səbəb
olursa, bir neçə gün onun yaratdığı xoş təəssüratla yaşayırsan. Jurnalistika elə
sahədir ki, burada ancaq onu dərinliyinədək bilən şəxslər qala bilir. Çünki
jurnalistikanın əziyyətli, keşməkeşli
məqamları çoxdur. Yorulduğun, apardığın mübarizəni dayandırmaq istədiyin anlar
olur. Amma peşənə olan sevgi səni davam etməyə, yeni işlər görməyə sövq edir.
Dövlət başçısının verdiyi qiymət, medal, ad, göstərdiyi etimad artıq sənin
çiyinlərinə ikiqat məsulliyyət qoyur. Bu məqamdan sonra jurnalistikadan kənarlaşmaq
yox, əksinə, yeni
yaradıcı işlər görmək, uğurlara imza atmaq üçün daha çox çalışırsan. 145 yaşlı
jurnalistikada 17 illik, kiçik bir payım var. Prezidentimizin verdiyi "Tərəqqi” medalı mənim üçün dəyərlidir, buna
görə çox təşəkkür edirəm”.
İctimai
televiziyanın
aparıcısı, ictimai-siyasi proqramlar departamentinin direktor müavini Nigar
Sabirqızıbugünkü uğurunda çalışdığı qurumun da rolu olduğunu vurğulayır: "Cənab
Prezident tərəfindən bu cür yüksək dəyərə layiq görülmək mənim üçün olduqca
xoşdur. Mətbuata göstərilən qayğı və diqqətə görə təşəkkür edirəm. Təbii ki,
İctimai televiziyanın da rəhbərliyinə öz dərin minnətdarlığımı bildirirəm.
Çünki onlar həmişə mənim
işimi yüksək qiymətləndiriblər və düşünürəm ki, bu gün əldə etdiyim uğurda, çalışdığım qurumda gedən inkişaf, işçilərə
verilən dəyər böyük rol oynayır. Bu, bizim üçün stimuldur. Mən izləyicilərimizə
də təşəkkür etmək istəyirəm, çünki onlardan da çox gözəl təbriklər, xoş sözlər
gəlir. Ən gözəli isə təbriklərin əksəriyyətində "siz buna layiqsiniz”
fikri səslənir və bu, mənim üçün ən gözəl təbrikdir”.
"Bizimyol.info” saytının müxbiri Gülnarə Məmmədovaisə "Tərəqqi”
medalı alan həmkarlarımız sırasındadır: "Prezidentimiz İlham Əliyev milli mətbuatın
145 illiyi münasibətilə media işçilərini, jurnalistləri mükafatlandırdı. Məni də
"Tərəqqi" medalı ilə təltif etdi. Çox sevinirəm ki, dövlətimiz, ölkə
rəhbəri mənim də bu sahədə çoxillik əməyimə yüksək qiymət verdi. Buna görə
Prezident İlham Əliyevə, dövlətimizə minnətdaram. Bu mükafat məni həm
sevindirdi, həm də daha yaxşı işləməyə ruhlandırdı. Eyni zamanda məsuliyyət
hissini daha da artırır.
Ümumən,
jurnalist əməyinə, mediaya verilən yüksək qiymətdir. Aldığım mükafatda işlədiyim
media orqanının, üzvü olduğum kollektivin də böyük payı var. Sevinc, paylaşdıqca çoxalır. Bu səbəbdən öz
sevincimi kollektivimizlə paylaşıram. Bütün təltif olunan həmkarlarımızı da ürəkdən
təbrik edirəm”.
Günel Azadə