bazar ertəsi, 05 dekabr, 18:46

Baku Bakı 3°C

Müalicə üçün Türkiyəyə göndərilən qazilərin sayı açıqlanıb

icon 207 icon 22 sentyabr 2022 | 12:00 Müalicə üçün Türkiyəyə göndərilən qazilərin sayı açıqlanıb

“Bu günə qədər 200-ə yaxın qazi müalicə üçün Türkiyəyə göndərilib və əksəriyyəti Vətənə qayıdıb”.

Kaspi.az xəbər verir ki, bunu səhiyyə naziri Teymur Musayev Azərbaycan-Türkiyə səhiyyə biznes forumunda deyib.

Onun sözlərinə görə, Vətən müharibəsində yaralanan şəxslərin müalicəsi məhz qardaş ölkənin tibb işçilərinə həvalə edilib.

“İki ölkə arasında inkişaf edən əlaqələr səhiyyə sahəsinə də təsir edir. Bu gün dünya xəritəsinə baxsaq Azərbaycan və Türkiyə qədər bir-birinə yaxın olan başqa dövlətlər yoxdur”, - T.Musayev söyləyib.

Nazir bildirib ki, istər pandemiya dövründə, istər müharibə dövründə və müharibədən sonrakı müddətdə Türkiyə daim Azərbaycanın yanında olub, haqq işinə dəstək verib.