Böyükşor gölündə naməlum kişi meyiti tapılıb, araşdırmalara başlanılıb

Böyükşor gölündə naməlum kişi meyiti tapılıb, araşdırmalara başlanılıb.

Bu barədə Kaspi.az-a Fövqəladə Hallar Nazirliyinin (FHN) Mətbuat Xidmətindən məlumat verilib.

Qeyd edilib ki, FHN-in "112" qaynar telefon xəttinə paytaxtın Sabunçu rayonu, Böyükşor gölündə naməlum kişi meyitinin aşkarlanması ilə bağlı müraciət daxil olub. Meyitin göldən çıxarılmasına kömək məqsədilə FHN-in Kiçikhəcmli Gəmilərə Nəzarət və Sularda Xilasetmə Dövlət Xidmətinin müvafiq qüvvələri həmin əraziyə cəlb olunub. Görülən tədbirlər nəticəsində meyit göldən çıxarılaraq aidiyyəti üzrə təhvil verilib.

Baş Prokurorluğun Mətbuat Xidmətindən "Report"un sorğuya cavab olaraq bildirilib ki, martın 17-də paytaxtın Böyükşor gölündə naməlum kişi meyitinin aşkar olunması ilə bağlı Sabunçu Rayon Prokurorluğunda araşdırma aparılır.