• cümə axşamı, 28 mart, 19:42
  • Baku Bakı 13°C

Bakıda mənzildən 120 min dollarlıq qızıl oğurlanıb, iki nəfər saxlanılıb

02.03.23 12:22 385
Bakıda mənzildən 120 min dollarlıq qızıl oğurlanıb, iki nəfər saxlanılıb

Bakıda mənzildən 120 min dollarlıq qızıl oğurlanıb.

Bu barədə Kaspi.az-a Daxili İşlər Nazirliyindən məlumat verilib.

Qeyd olunub ki, Səbail rayonunun Badamdar qəsəbəsindəki mənzillərin birindən oğurluq edilməsi barədə 41-ci Polis Bölməsinə məlumat daxil olub. Polis əməkdaşları müvafiq araşdırmalar aparıb və ötən ilin dekabr ayından bu il fevralın 26-dək olan müddətdə mənzildən 120.000 ABŞ dolları dəyərində qızıl-zinət əşyalarının qeyri-aşkar şəraitdə oğurlanması məlum olub.

Keçirilən əməliyyat tədbirləri nəticəsində oğurluğun Bakı şəhər sakinləri S.Rzabəyli və tanışı E.Ağayev tərəfindən törədilməsinə əsaslı şübhələr müəyyən olunub və onlar saxlanılıblar.

Faktla bağlı araşdırma aparılır.

banner

Oxşar Xəbərlər