Stadionda oyuncaq “yağdı”
Hollandiyanın
"Den Haaq” klubunun fanatları xeyriyyə aksiyası keçiriblər.
Kaspi.az xəbər
verir ki, aksiya "Feyenord”la səfər qarşılaşmasında keçirilib. "Feyenord” rəhbərliyi
hər qarşılaşmaya Rotterdam xəstəxanasında müalicə alan uşaqları dəvət edir.
Uşaqlar stadionda qonaq komandanın fanatları üçün ayrılmış sektorun yanında
yerləşdirilir.
"Den Haaq”
fanatları uşaqlar üçün oyuncaq "yağışı” təşkil ediblər. Onlar arenaya gətirdikləri
yumşaq oyuncaqları uşaqlara tərəf atıblar.
Qarşılaşma
"Feyenord”un 3:2 hesablı qələbəsi ilə yekunlaşıb.