• cümə, 24 May, 10:48
  • Baku Bakı 13°C

SOCAR və “Romgaz S.A.” arasında Azərbaycandan Rumıniyaya qaz nəqlinə dair Saziş imzalanıb

03.02.23 15:04 713
SOCAR və “Romgaz S.A.” arasında Azərbaycandan Rumıniyaya qaz nəqlinə dair Saziş imzalanıb

Bu gün Cənub Qaz Dəhlizi Məşvərət Şurası çərçivəsində Azərbaycan Dövlət Neft Şirkəti (SOCAR) və Rumıniyanın “Romgaz S.A.” arasında 2023-2024-cü illər ərzində Azərbaycandan Rumıniyaya bir milyard kubmetrə qədər qaz nəqlinə dair Saziş imzalanıb.

Bu barədə Kaspi.az-a SOCAR-dan məlumat verilib.

Bildirilib ki, saziş 2022-ci il oktyabrın 19-da və dekabrın 16-da SOCAR və “Romgaz S.A.” arasında imzalanan sənədlərin davamı hesab olunur.

İki ölkə arasında enerji sahəsində əlaqələrin hüquqi bazasının formalaşmasını təmin edən sənədlər Azərbaycan qazının ixrac coğrafiyasını genişləndirməklə yanaşı, ölkələr arasında əməkdaşlıq əlaqələrinin daha da möhkəmlənməsinə, həmçinin Avropanın enerji təhlükəsizliyinə və “yaşıl enerji” strategiyasına mühüm töhfə verəcək.

banner

Oxşar Xəbərlər