Özbəkistanlı nazir: "Artıq azərbaycanlı dostlarımızla daha tez-tez görüşəcəyik"
616
05 oktyabr 2022 | 16:30
“Artıq azərbaycanlı dostlarımızla daha tez-tez görüşəcəyik”.
"Report" xəbər verir ki, bunu Özbəkistanın xarici işlər naziri Vladimir Norov Bakı-Səmərqənd-Bakı aviareysinin açılması münasibətilə tviter səhifəsində yazıb.
“Dünən “Fly Khiva” və “Azərbaycan Hava Yolları” QSC-nin (AZAL) Özbəkistanın Azərbaycandakı səfirliyi ilə birgə təşkil etdiyi Bakı-Səmərqənd-Bakı marşrutu üzrə ilk uçuş həyata keçirilib”, - nazir bildirib.
O, reyslərin həftədə iki dəfə - çərşənbə axşamı və cümə günləri müntəzəm olaraq həyata keçiriləcəyini əlavə edib.
Xatırladaq ki, oktyabrın 5-nə keçən gecə Bakı-Səmərqənd reysinin ilk təyyarəsi Səmərqənd (Özbəkistan) hava limanına uğurla eniş edib.
