“Dağlı məhəlləsi”: yaşayan adət-ənənələr
Kamran
İmranoğlunun (Əliyevin) bu hekayəsində hadisələr Yasamalda yerləşən və bu gün də
Dağlı məhəlləsi kimi tanınan məkanda baş vermişdir. Yazıçı orada kirayədə qalan
tələbələrin XX əsrin 60-70-ci illərindəki həyat tərzini canlandırır.
Oxuduqca
bir anlıq həmin vaxtlar insanın gözü önündə canlanır: "Yolumu o tərəfə salıb həmin məhəllənin
qalıb-qalmadığını dəqiqləşdirmək də olar, amma qorxuram ki, məhəlləni öz yerində
görməyəm və tələbəlik illərindən üzü bəri gizli bir həsrətlə qoruyub-saxladığım xatirələrim bir andaca yaddaşımdan silinib
gedə”. Hekayədə yazılan bu hissədə hiss olunur ki, müəllif həmin illər üçün çox
darıxır. Bir zamanlar burada yaşadığından bu məkanın xatirəsinin ona çox əziz
olduğu bu sətirlərdən bəlli olur.
Hekayə Dağlı
məhəlləsində yerləşən hamamdakı hadisələrlə başlayır. Hamamda işləyən Sədulla kişi kirayənişin qalan tələbələrlə çox mehriban
dolanır. Hətta çox zaman özünü onların yaşıdı kimi aparır və onlarla çoxlu
zarafatlar edirdi. Hamamda baş verən mübahisələrin qarşısını alar və əsasən tələbələrin
qeydinə bir yaxınları kimi qalar. Bu ən çox hekayədə "buxar otağında" olan
hadisədə hiss olunur. Buxar otağında tələbə oğlanların birinin ürəyi gedən
zaman Sədulla bu sözləri deyir : "O boynuyoğuna
əlli dəfə demişəm ki, bu buxar otağını bağlatdır. Gərək biri ölə, ondan sonra
ağlı başına gələ”. Bu hekayədən götürülmüş hissədə Sədullanın tələbə uşaqların
təhlükəsizliyinə görə hamamın müdirinə olan etiraz və narazılığını görürük. Tələbələr
də Sədullanı çox sevir. Bu məqam onun hər dəfə eyni hekayə danışdığına
baxmayaraq, tələbələrin onu yenə də diqqətlə dinlədiyindən hiss olunur.Hekayədəki
digər obraz isə dükançı Zeynəb obrazıdır. Zeynəb tələbələrə nisyə mal verərək onların sevgisini qazanmışdı.
Nisyə dəftərinə onların adını qeyd etməklə tələbələrin bir çoxunu tanıyırdı. Maraqlıdır
ki, həm də Zeynəb tələbələrə güvənirdi. Zeynəb də tələbələrlə çox mehriban idi
və onları özünə məxsus tərzdə səsləyərdi: ”Hərdən ərki çatan tələbələrə ayama
da qoşardı. Zeynəbin çox sevdiyi bir söz də var idi: Yetim! Tələbələrin bəziləri,
xüsusən də atasız olanlar bundan umu-küsü eləsə də, Zeynəb öz şakərini tərgitmirdi,
elə bil uşaqlarla öcəşirdi. Amma heç kəs bir dəfə də olsun onun üzünə
qayıtmazdı”. Burada tələbələrin ona olan hörməti və mehribanlığı aydımca hiss
olunur. Zeynəb sanki tələbələrə nisyə mal verməklə onları özünə bağlayardı və
doğmalaşdırırdı”. Zeynəbə elə gəlirdi ki, bu uşaqlar olmasa, özü yetim qalacaq,
onlara öz uşaqları kimi baxırdı. Çünki
Zeynəb dul qadın idi. Həyəti və dükanı müharibədə ölmüş ərindən ona miras
qalmışdı.
Hekayədəki
bir başqa obraz Zibeydə obrazıdır. Zibeydə Dağlı məhəlləsində təndir çörəyi bişirir və satırdı. Həmin məkan
Zibeydə xalanın obyekti kimi tanınırdı. Zibeydə xalanın çörəyi tələbələr tərəfindən başqa cür sevilirdi.
Üstü küncütlü bu isti çörək tələbələri bura cəlb edirdi. Hekayənin baş qəhrəmanları
Höcətulla adlı kişinin həyətində qalsalar da, bir-birilə təndir çörəyi növbəsində tanış olmuşdular.Höcətulla
kişi hekayənin ən aparıcı obrazıdır. Hekayədə bildirilir ki, o, evlərini kirayə verməklə dolanır: "Höcətulla kişinin
kirayə verdiyi bir neçə otaq var idi ki, onlarda da, əsasən, qızlar qalırdı. Mən
təsadüfən gəlib buraya düşmüşdüm”. Bu məqamdan
məlum olur ki, Höcətulla kişinin Zeynaldan xoşu gəlmişdi və evinin birini ona
kirayə vermişdi. Müəllif Höcətulla kişinin timsalında o dövrdəki Dağlı məhəlləsində
yaşayan insanların düşüncə tərzini canlandırmışdı. ”Onu da sizə deyim ki, bir xeyli bundan əvvəl Höcətulla
kişinin Xarici Dillər İnstitutunda
oxuyan qızı ilə də hamamın qarşısında rastlaşmışdıq. Amma mən onunla birlikdə həyətə
getmədim. Ayağımı sürüdüm ki, o, məndən qabağa düşsün və qabağa düşdü də” –
hekayədən götürülmüş bu cümlələrdə müəllif Dağlı məhəlləsində belə bir məsələyə
düzgün baxılmadığını bildirir.
Hekayənin baş
qəhrəmanlarından biri də Şamamadır. Şamama Zeynal ilə eyni həyətdə – Dağlı məhəlləsində kirayə
qalırdı. Hekayədən anlamaq olur ki, Şamamanın Zeynala qarşı məhəbbət hissləri
var: "Mən Şamama ilə ikinci dəfə Zeynəbin dükanına gedərkən yol yoldaşı oldum.
Əslində, bunu Şamama özü təklif etdi”, "Birdən haradansa özümdə cəsarət tapıb
Şamamaya dondurma yeməyi təklif etdim, qəribədir ki, o da razılaşdı”. Hekayədən götürülmüş bu nümunələrdən məlum olur ki, Şamama Zeynal ilə hər fürsətdə
söhbət edir və bu ünsiyyəti çox sevir. Hətta
Zeynal evdən qovulduqda da Şamam onun əşyalarını qoruyur.
Zeynal obrazı
isə həm təhkiyəçi, həm də əsas obrazdır.
Zeynal Bakı Dövlət Universitetinin tələbəsidir.
O, Höcətullanın həyətində kirayədə qalır. Hekayədə nəql olunan bütün hadisələr onun
şahidliyi ilə baş verir, lakin bir gün Höcətulla kişi tərəfindən evdən qovulur.
Zeynal, əslində, qovularkən hansı səbəbdən qovulduğunun, bəlkə də, fərqində
deyildi. Bunun səbəbini belə izah etmək olar ki, Zeynal bir neçə dəfə təsadüfi
olaraq Şamama ilə evə yan-yanaşı gələrkən Höcətulla ilə üzbəüz qarşılaşır. Sonuncu dəfə isə onlar
dondurma yeyərkən Höcətulla onları görür. Belə izah etmək olar ki, Dağlı məhəlləsinin
öz qayda və qanunları var idi. Burada yaşayan oğlanlar qızlarla məsafəli olmalı
idilər. Ev yiyələri daha çox burada yaşayan və kirayə qalan qızların təəssübünü
çəkərdilər. Zeynalın bir neçə dəfə Şamam ilə birgə görünməsi onun evdən
qovulmasına səbəb oldu. Qovulduqdan sonra Universitetin yataqxanasında qalan Zeynal
artıq Dağlı məhəlləsindən əvvəlki isti münasibəti görmədi. Zeynəb xala və
Zibeydə xaladan nisyə mal ala bilmədi, Sədulla kişi isə ona salam vermədi. Bu məqamda
da görünür ki, məhəllədə hər kəs eyni fikir və düşüncəyə sahibdir.Kamran
İmranoğlunun (Əliyevin) "Dağlı məhəlləsi” hekayəsində müəllif o dövrün
mentalitetindən xəbər verir. Hekayədə Zeynalın qovulmasının başqa bir səbəbi də
var, bu, Höcətullanın ümidlərinin puç olması ilə əlaqədardır. Bəlkə də o, Zeynalı
qızı üçün bəyənmişdi. Ola bilsin ki, Zeynalın Şamama ilə görməsi Höcətulla
kişidə qızının gələcəyi barədə bir ümidsizlik formalaşdırmışdır.
Həmçinin
Şamama və Zeynalın sonrakı həyatı hamıda maraq oyadır. Eyni Universitetdə
oxuyan bu iki gəncin sonrakı taleyi oxucuları xeyli düşündürür.Leyla Kazımzadə