AZƏRBAYCANDA KORONAVIRUSLA BAĞLI XƏBƏRLƏR

Birinci vitse-prezident Mehriban Əliyeva şəhid valideynlərinə təşəkkür etdi - FOTO

Birinci vitse-prezident Mehriban Əliyeva şəhid valideynlərinə təşəkkür etdi - FOTO

Siyasət
27 Sentyabr 2021, 09:00 111
Azərbaycanın Birinci vitse-prezidenti Mehriban Əliyeva 27 sentyabr - Anım Günü ilə əlaqədar rəsmi "İnstagram" hesabında paylaşım edib.

Kaspi.az xəbər verir ki, paylaşımda deyilir:

"Əziz bacılar və qardaşlar!

Bu gün biz Vətən müharibəsi şəhidlərinin xatirəsini yad edirik. Şanlı Zəfər naminə həyatlarını qurban vermiş qəhrəmanlarımızı anırıq. Onlar əsl vətənpərvərlik və Vətənə sədaqət nümunəsi nümayiş etdirərək öz qorxmazlığı, cəsarəti, möhkəm iradəsi və ruh yüksəkliyi sayəsində işğalçını darmadağın edib, ölkəmizin ərazi bütövlüyünü bərpa ediblər. Adları əbədi olaraq Azərbaycan dövlətinin tarixinə həkk olunmuş bu cür igid oğullar böyüdüb tərbiyə etmiş valideynlərə təşəkkürümü bildirir, Uca Tanrıdan onlara səbir diləyirəm. Müharibə günlərində həlak olmuş günahsız vətəndaşlarımızın xatirəsini yad edirik. Allah bütün şəhidlərimizə rəhmət eləsin. Uca Tanrı hər zaman xalqımızı qorusun!".