AZƏRBAYCANDA KORONAVIRUSLA BAĞLI XƏBƏRLƏR

Tokio-2020 tamaşaçısız keçirilə bilər

Tokio-2020 tamaşaçısız keçirilə bilər

İdman
02 Mart 2020, 11:45 562
Tokioda keçiriləcək Yay Olimpiya Oyunları koronavirus üzündən tamaşaçısız keçirilə bilər.
Apasport.az saytının məlumatına görə, yarışın yalnız televiziya ilə nümayiş olunması variantı müzakirə edilir.
Belə qərar çoxmilyonlu yayım müqavilələrini qane edəcək. Həmçinin bu variant yarışın ləğv edilməsi və ya başqa yerə keçirilməsinə alternativ addım ola bilər.
Olimpiadanın ev sahibi Yaponiyanı da qane edən qərar olacaq. Oyunlara hazırlığa 12 milyard dollar xərcləyən asiyalılar yarışın ləğv edilmə və ya başqa yerə keçirilməsindən ehtiyatlanırlar.
Beynəlxalq Olimpiya Komitəsinin prezidenti Tomas Bax da təşkilatçıların mövqeyini dəstəkləyib. O bildirib ki, rəhbərlik etdiyi təşkilat da yaponiyalılar kimi Olimpiadanın iyulun 24-dən avqustun 9-dək keçirilməsinin tərəfdarıdır.
Qeyd edək ki, 50-dən artıq ölkədə aşkarlanan koronavirusa yoluxanların sayı təxminən 90 min nəfərdir ki, onların 3 mini ölüb.