Şeir təhlili necə olmalı?
Ədəbi
janrların təhlili məxsus olduğu janra uyğun olaraq
aparılır. Təhlil fərqli aparılsa da burada əsas qaydalar var ki, onlara əməl
etmək peşəkarlıq göstəricisidir. Yəni nəzərdə tutulan formada təhlilin əsas meyarları
mütləqdir. Lakin təhlil aparan şəxsdən asılı olaraq əsas meyarlar saxlanımaqla
əlavələr də ola bilər. Bu yazımda şeir təhlilindən bəhs edəcəm. Çünki nəsrlə
müqayisədə ikinci plana keçsə də şeirin də təhlili peşəkar yanaşma tələb edir.
Ağ xələt bürünər, zərnişan geyməz,
Heç kəsi dindirib keyfinə dəyməz,
Sərdara söz deməz, şaha baş əyməz,
Qüdrətdən səngərli, qalalı dağlar.
Təhlilə cəlb olunan şeir ənənəvi qoşma formasındadır, milli şeir ənənəsində yazılıb. Həm təsvir həm də bənzətmə klassik yöndə verilib. Qurbani, Xətai, Xəstə Qasım kimi sənətkarların təsiri hiss olunmaqdadır.
Səxavət Sahil
Klassik
şeir təhlilində iki əsas istiqamət mövcuddur: forma və məzmun. Əvvəlcə forma
cəhətdən təhlilə baxaq. Burda şeirin nəzm forması müəyyən edilir, onun qəzəl,
qəsidə, qoşma, məsnəvi, sərbəst şeir və s. kimi formalara aid olduğu
göstərilir. Bunun ardınca şeirin nəzm ölçüsü aydınlaşdırılır, misra, beyt, dördlük,
beşlik və s. olduğunu müəyyən olunur. Sonra şeirin vəzni araşdırılır, əruz,
heca və ya sərbəst vəzndə olması müəyyən edilir, rədifi qafiyəsi və ritmi
diqqətə alınır. Ritm təhlil olunarkən səslənmə, ahəng, misraların və sözlərin
heca ölçüsü, bunların bir-birinə uyğunluğu təhlil edilir, daxili və xarici
qafiyələr, qafiyəli şeir olmayanda isə, səslənmə və uyarlılıq yönündən
araşdırılır.
Məzmun
cəhətdən isə şeir aşağıdakı qaydada araşdırılır.
Şeirin
mövzusu. Bu yöndə aparılan araşdırmada zamanı şeirin ümumi mənası, hər bölmənin
və ya bəndin mənası, hər misranın mənası və hər sözün anlamı ayrı-ayrılıqda
təhlil edilir. Müəllifin sözdə, misrada, bənddə, bölünən hissədə və ümumilikdə
şeirdə ortaya qoyduğu fikir, düşüncə araşdırılır, mövzusu müəyyən edilir.
Şairin demək istədiyi və oxucuya çatdırdığı mesaj bəzən açıq, bəzən də qapalı,
yəni sətiraltı olur. Buna baxmayaraq şairin düşüncəsi açıq şəkildə təhlil
olunaraq göstərilməlidir. Məsələn, hansısa misrada və ya sətirdən olan sözlərin
daşıdığı məna ortaya çıxarılır, şairin demək istədiyi fikir göstərilir. Şeirlə
mövzusunun necə əlaqlənməsi, bu əlaqənin olub-olmaması müəyyən edilməlidir.
Şeirin
dil və üslub xüsusiyyətləri. Şerin dili aydın, anlaşılan, sadə, ola bilər, ilk
baxışda mürəkkəb təsir yarada bilər. Təhlilçi bunları da müəyyən etməlidir.
Bundan
başqa şeirdə istifadə olunan bənzətmə, kiçiltmə, epitet kimi formalardan
istifadə olunması konkret göstərilməli, müəllifin bundan istifadə etməsinin
səbəbləri müəyyən edilməli, bu istifadənin hansı dərəcədə uğurlu olub-olmaması
faktlarla göstərilməlidir. Şeirin
mənsub olduğu ədəbi məktəb və ya ənənəvi bağlılıq yönü də araşdırılmalıdır.
Burada təhlilçi şeirin hansı ədəbi məktəbə və ya hansı ənənəyə uyğun
yazıldığını araşdırır, özündən əvvəlki hansı şairinin təsirindən olduğunu da
diqqətə çatdırır, bunu misallar gətirməklə fakta çevirir. Həmçinin şeirin hansı
dövrdə yazıldığı, dövrlə necə bağlantı təşkil etdiyi, qoyulan mövzunun dövrlə
necə əlaqləndiyi də araşdırmalıdır.
Obrazlar.
Obraz şeirdə əsas elementlərdən biridir. Təhlilçi obrazları müəyyən etməli
onların yaranma səbəblərini, müəllifin onu hansı zərurətdən meydana
çıxarmasının izah etməlidir. Obrazların şeirlə və şeirin mövzusu ilə nə qədər
bağlana bildiyini araşdırmalıdır.
Təsvir
də obraz kimi təhlil olunmalıdır. Əvvəlcə təsvirlər müəyyən olunur, onların
meydana çıxma zərurəti göstərilir, sonra təsvirin mövzu ilə, şeir ilə əlaqəsi
izah olunur, müəllifin buna nail olub-olmaması təhlil edilir.
Misal
olaraq Aşıq Ələsgərin "Dağlar" qoşmasından aşağıdakı bəndin ilkin
təhlilinə baxaq:Ağ xələt bürünər, zərnişan geyməz,
Heç kəsi dindirib keyfinə dəyməz,
Sərdara söz deməz, şaha baş əyməz,
Qüdrətdən səngərli, qalalı dağlar.
Yuxarıda
yazıldığı kimi şeir qoşma formasındadır və onbirlik ölçüsündə yazılıb. Təhlilə
cəlb etdiyimiz hissə 4 misradan ibarətdir, qafiyə sistemi aaab formasında
qurulub. Heca vəznindədədir, qafiyə sistemi xarici qafiyədir, bölgüsü isə
qoşmaya xas olan altı-beş formasındadır. Oxuduğunuz bənddən aydın olur ki, şeir
mövzu olaraq dağlardan, onların əzəmət və qüdrətindən, yenilməzliyindən bəhs
edir. Lakin bu ümumi yanaşmadır. Dağların əzəmətindən, qüdrətindən və
yenilməzliyindən bəhs olunmasını konkret faktlara göstərmək lazımdır. Bunu üçün əvvəlcə sözləri sonra isə misraları
təhlil etmək lazımdır. Birinci misrada "ağ xələt” ifadəsi dağların qarla
örtüldüyünü bildirir. Bu eyni zamanda sadəlik və təmizlik rəmzidir. Çünki
misranın sonrakı sözlərində bunun əksi olan bənzətmə yer alıb. "Bürünmək” sözü
isə tamamilə əhatə olunmaq deməkdir ki, bu da dağların başdan-ayağa təmizlik,
saflıq mənasında təsvir olunması və mənanın qüvvətləndirilməsi üçün stifadə
olunub.
Misranın sonrakı ifadəsi
"zərnişan” sözü dəbdəbə və bəzənmək mənasına işlənib. "Geyməz” sözü lazımsız,
gərəksiz mənasında "zərnişan” sözü ilə birləşərək dağların zərnişana,
dəb-dəbəyə, bər-bəzəyə ehtiyacı olmadığnı göstərir. Misranı bütövlükdə təhlil
edərək bu qənaətə gəlirik ki, dağların əzəməti eyni zamanda onun sadəliyi, təmizliyi
və təbii olmasındadadır. Sonrakı misraları da bu formada təhlil etməklə hər
sözün və misranın mənasını açmış olarıq, müəllifin demək istədiyi fikri,
düşüncəni müəyyən edə bilərik.
Şeirdə
məna sözlərin işlənmə vəziyyətinə görə həm açıq həm də qapalı olaraq qəbul
edilməklə təhlil edilə bilər. Açıq olaraq dağların zahiri görünüşü, əlçatmaz,
əzəmətli, yenilməz qala kimi və s olması təhlil edilə bilər. Qapalı olaraq isə
dağların bunlarla yanaşı eyni zamanda əyilməzlik, qəhrəmanlıq, təmizlik, saflıq
və s. rəmzi olduğunu da göstərə bilərik.
Şeirin
dili aydın və sadədir, xalq dilinə yaxındır, istifadə olunan sözlər əsasən qısa
hecalı olduğundan axıcılıq yaradır, oxucu üçün qeyr-müəyyənlik yoxdur, əlavə
izahlara ehtiyac yaranmır.
Şeirdə
bənəztmədən istifadə edilib. İfadələr yerinə uyğun olaraq rela və irreal
formaya düşür. "Ağ xələt” və "zərnişan” ifadələrini bunlara misal gətirmək
olar. Təhlilə cəlb olunan şeir ənənəvi qoşma formasındadır, milli şeir ənənəsində yazılıb. Həm təsvir həm də bənzətmə klassik yöndə verilib. Qurbani, Xətai, Xəstə Qasım kimi sənətkarların təsiri hiss olunmaqdadır.
Şeirdə
qoyulan mövzu dövrə uyğundur. Burada xalq və zülmkar hakimlər ideyası azadlıq
və əsarət obrazları ilə simvollaşdırılıb, dağların sadəliyi onun sadə xalq kütləsi
ilə eyniləşdirir, və zər-zibalı, dəbdəbəli həyatı olan zülmkarlara qarşı
olduğunu göstərir.
Obrazlar
baxımından deyə bilərik ki, müəllif burada maraqlı obrazlar sistemi yaradıb.
Bir-birinin əksi olan ifadələrlə öz düşüncəsini ortaya qoyub, "ağ xələt və
"zərnişan” sözləri bir birinə əks olan obrazları tamamilə ifadə edir.
Təsvir
baxımından da şeir zəngindir. Və bu təsvirlə yuxarıda yazdığım nüanslarala daha
da zənginləşərək bitkinlik yaradır. Təsvir burda həm obraza çevrilir, həm bənzətməyə
çevrilir, həm də müəllifin düşüncəsini ifadə edərək ideyanın oxucuya çatmasını
təmin edir. Kiçik
bir məqalədə hərtərəfli əhatə etmək çətin olsa da, şeir təhlili yuxrıda
göstərilən əsas qaydalarla təhlil edilir. Lakin burda təhlilçinin özünəməxsus
əlavə yanaşmaları da meydana gələ bilər və təhlil daha çox istiqaməti özündə
birləşdirər.
Səxavət Sahil