Röya İmperatorla duet oxumaq istəyir

Türkiyənin “ Sabah” qəzetində müğənni Röya Ayxan haqda xəbər dərc edilib. Lent.az-ın Türkiyə mediasına istinadən verdiyi məlumata görə, həmkarlarımız bu dəfə Röya barəsində “Azəri şarkıcı Tatlıses hayranı” başlıqlı xəbər dərc ediblər. Yazıda Röyanın Azərbaycanın Rihannası və İbrahim Tatlısəs pərəstişkarı olduğu qeyd olunub. Xəbəri olduğu kimi təqdim edirik:
“Azərbaycanın “Rihanna”sı kimi tanınan Röyanın İbrahim Tatlısəsin pərəstişkarı olduğu məlum olub. Keçən il “Göndər” albomu ilə Türk dinləyicilərinin qarşısına çıxan Röya “Türk şarkıçılarını dinləyərək böyüdüm” - deyir “.
Xatırladaq ki, Röya Türkiyə mediasına müsahibəsində bu sözləri deyib: “Xüsusi ilə İbrahim Tatlısəs və Sezan Aksu pərəstişkarıyam. İbrahim Tatlısəslə duet oxumaq istəyərdim”.