• çərşənbə axşamı, 19 mart, 09:43
  • Baku Bakı 8°C

Noyabrda Azərbaycanın gündəlik neft hasilatı 776 min barrel olub

10.12.19 14:30 838
Noyabrda Azərbaycanın gündəlik neft hasilatı 776 min barrel olub
Respublikada noyabr ayı üzrə gündəlik neft hasilatı 776 min barrel təşkil edib. Bunun 687 min barreli xam neft, 89 min barreli kondensat olub. Gündəlik 577 min barrel xam neft, 82 min barrel kondensat, 26,4 min barrel isə neft məhsulları ixrac edilib.
Energetika NazirliyindənAZƏRTAC-a bildirilib ki, gündəlik neft hasilatının 776 min barrel həcmində saxlanılmasına dair ötən il dekabrın 7-də əldə edilən razılaşma çərçivəsində Azərbaycan hasilatı sutkada 20 min barrel azaltmaqla bağlı götürdüyü öhdəliyi tam yerinə yetirib. Qeyd edək ki, cari ilin yanvar-noyabr aylarında orta gündəlik neft hasilatı 764 min barrel olub.
Energetika Nazirliyi noyabr ayında gündəlik neft hasilatı ilə bağlı məlumatları OPEC-in Birgə Monitorinq Komitəsinin Müştərək Texniki Komissiyasına təqdim edib.
Qeyd edək ki, cari il dekabrın 6-da OPEC və qeyri-OPEC Nazirlərinin VII Görüşündə "OPEC plus” üzrə gündəlik neft hasilatının daha 500 min barrel azaldılması barədə qərar qəbul edilib. Yeni "Əməkdaşlıq Bəyannaməsi”nə uyğun olaraq Azərbaycanın öhdəliyi 27 min barrel müəyyən edilib. Gələn ilin yanvar ayından etibarən Azərbaycan gündəlik neft hasilatını 769 min barrel həcmində saxlamalıdır.
banner

Oxşar Xəbərlər