Nazir: "Dövlət büdcəsinə vergi daxilolmaları 2 mlrd. manatı ötüb"

Bu ilin I rübündə Azərbaycanın dövlət büdcəsinə vergi daxilolmaları 2 085,73 mln. manat təşkil edib.
"APA-Economics" xəbər verir ki, bu barədə Azərbaycanın iqtisadiyyat naziri Mikayıl Cabbarov "Twitter" hesabında yazıb.
Nazir əlavə edib ki, proqnoza 121,1% əməl edilib.
"Birinci rübdə büdcəyə əlavə daxilolmalar 363,8 mln. manatdan çox olub ki, bunun da 211,1 mln. manatı qeyri neft-qaz sektorunun payına düşür", - nazir qeyd edib.