Deputat: “Fransa heç olmasa, indi məsələnin haqq, ədalətlə həllini tapması üçün bacısı Ermənistana məsləhət versin”
"Bu gün dünyanı nizama salmalı olan beynəlxalq təşkilatların tutduğu ədalətsiz mövqeyinin şahidi olduq”.
Deputat Fransa ilə bağlı məsələyə də toxunub: "Fransanın keçmiş prezidenti Sarkozi deyəndə ki, Ermənistan bizim bacımızdır, ATƏT-in Minsk Qrupunun üzvü kimi onlardan nə gözləyə bilərik?! Fransa heç olmasa, indi bu məsələnin haqq, ədalətlə həllini tapması üçün bacısına məsləhət versin”.
APA-nın məlumatına görə, bunu Milli Məclisin bu gün keçirilən iclasında deputat Siyavuş Novruzov deyib.
O bildirib ki, 75 ildir, eyni dövlətlər BMT TŞ-nin daimi üzvüdür: "Bunlar 75 ildir dünyanı, müharibələri, haqqı-ədaləti monopoliyaya alıblar. Heç olmasa, rotasiya qaydası ilə bu dəyişilməlidir. Bəyanat yayırlar ki, bir ölkədə bir şəxs 2 dəfədən artıq prezident seçilə bilməz, amma bunlar 75 ildir, özləri haqda düşünmürlər. BMT TŞ-nin bütün üzvləri seçki yolu ilə seçilməlidir”.
Deputat Fransa ilə bağlı məsələyə də toxunub: "Fransanın keçmiş prezidenti Sarkozi deyəndə ki, Ermənistan bizim bacımızdır, ATƏT-in Minsk Qrupunun üzvü kimi onlardan nə gözləyə bilərik?! Fransa heç olmasa, indi bu məsələnin haqq, ədalətlə həllini tapması üçün bacısına məsləhət versin”.