Azərbaycan vətəndaşları Türkiyədə 800-dən çox daşınmaz əmlak əldə edib

Azərbaycan vətəndaşları Türkiyədə 800-dən çox daşınmaz əmlak əldə edib

İqtisadiyyat
16 Oktyabr 2019, 11:51 97
2019-cu ilin yanvar-sentyabr aylarında Azərbaycan vətəndaşları Türkiyədə 829 daşınmaz əmlak əldə edib ki, bu da ötən ilin eyni dövrü ilə müqayisədə 128 ədəd daha çoxdur.
Trend bu barədə Türkiyənin Torpaq kadastrı və alqı-satqı işləri üzrə dövlət orqanına istinadən məlumat verir.
Statistikaya əsasən, Azərbaycan vətəndaşları Türkiyədə yanvarda 95, fevralda 105, martda 87, apreldə 87, mayda 90, iyunda 67, iyulda 92, avqustda 88 və sentyabrda 118 daşınmaz əmlak əldə edib.
Sentyabr ayında Türkiyədə 146,9 min daşınmaz əmlak satılıb ki, bu da 2018-ci ilin sentyabrı ilə müqayisədə 15,4 faiz çoxdur.

Hesabat ayında Türkiyədə əcnəbi vətəndaşlara 4,177 min daşınmaz əmlak satılıb. Bu göstərici 2018-ci ilin sentyabrı ilə müqayisədə 25,6 faiz azdır.