AZE | RUS | ENG |

Azərbaycan Gürcüstanın ticarət tərəfdaşları sırasında ilk beşlikdədir

Azərbaycan Gürcüstanın ticarət tərəfdaşları sırasında ilk beşlikdədir
Cari ilin yanvar-iyul aylarında Gürcüstandan MDB ölkələrinə 1 milyard 105,8 milyon ABŞ dolları dəyərində mal ixrac olunub. Bu da ötən ilin eyni dövrü ilə müqayisədə 26,6 faiz çoxdur və Gürcüstanın ümumi xarici ixracatının 52,6 faizini təşkil edib.
AZƏRTAC xəbər verir ki, bu barədə Gürcüstan Milli Statistika Xidməti məlumat yayıb.
Hesabat dövründə Avropa İttifaqı ölkələrinə 503,5 milyon dollar dəyərində və ya 2018-ci ilin eyni dövrü ilə müqayisədə 20,6 faiz çox mal ixrac olunub.
Yanvar–iyul aylarında Gürcüstandan Rusiyaya - 303 milyon dollar dəyərində mal ixrac edilib. Rusiya bu göstərici ilə birinci yerdədir. Gürcüstanın mal ixrac etdiyi ölkələr sırasında ikinci yerdə Azərbaycandır. Sonrakı yerlərdə ilk beşlikdə Ermənistan, Bolqarıstan və Ukrayna yer alıb.
Gürcüstanın mal idxalında isə azalma müşahidə olunub. Hesabat dövründə Gürcüstan MDB ölkələrindən 1 milyard 303,1 milyon dollar dəyərində mal idxal edib. Bu da 2018-ci ilin eyni dövrü ilə müqayisədə 14,3 faiz azdır. Gürcüstan həmin dövrdə Avropa İttifaqı ölkələrindən 1 milyard 280,2 milyon dollar və ya 2018-ci ilin eyni dövrü ilə müqayisədə 12,6 faiz az mal idxal edib. Gürcüstanın ən çox mal idxal etdiyi ölkələr sırasında Türkiyə, Çin, Rusiya, Azərbaycan və Almaniya ilk beşlikdə qərarlaşıblar.




Paylaş:

Facebook-da

Xəbər lenti

Valyuta məzənnəsi

Tipi Ədə. Adı AZN
USD 1 1 ABŞ dolları 1.7
EUR 1 1 Avro 1.8818
GEL 1 1 Gürcüstan larisi 0.5743
GBP 1 1 İngiltərə funt sterlinqi 2.0992
IRR 100 100 İran rialı 0.004
SEK 1 1 İsveç kronu 0.1767
CHF 1 1 İsveçrə frankı 1.7173
KWD 1 1 Küveyt dinarı 5.5905
TRY 1 1 Türkiyə lirəsi 0.3006