ABŞ şist neft hasilatının bir qədər də azalacağını proqnozlaşdırır

ABŞ Energetika Nazirliyinin proqnozlarına görə, ölkədə şist neft hasilatının azalması iyun ayında da davam edəcək.
"APA-Economics"in Rusiya mətbuatına istinadən verdiyi məlumata görə, ən iri yataqlarda hasilat daha 2,5% azalacaq.
Məlumata görə, ən böyük azalma "Permian", "Eagle Ford", "Anadarko" və "Niobrara" yataqlarında qeydə alınacaq. Ümumilikdə, iyun ayında şist istehsalı may ayı ilə müqayisədə demək olar ki, 200 min barel azalacaq.
Xatırladaq ki, ABŞ-da neft hasilatı maksimum göstəricilərdən 1,5 mln. barel azalıb.