• çərşənbə axşamı, 19 mart, 13:45
  • Baku Bakı 8°C

Şaxta babaya məktub - İNCƏ BAXIŞ

03.12.21 20:45 1702
Şaxta babaya məktub - İNCƏ BAXIŞ
Yeni ilə az qalmış insanlar tələsir, həvəslə düşünür, mağazalara baş çəkirlər. Həyəcan bayrama hazırlıqla bağlıdır. Böyüklər üçün Yeni il ailə ilə vaxt keçirmək, qarşıdakı ili xoş əhval-ruhiyyə ilə qarşılamaq üçün gözəl bir səbəbdir. Uşaqlar isə bayrama möcüzə kimi baxırlar. Onlar Şaxta babaya məktub yazmağa tələsirlər. Uşaqlıqda hər kəsin valideynlərinin həvəslə apardığı mədəniyyət saraylarındakı "yolka” tədbirləri, məktəb məclisləri artıq yaddaşlardan silinir. Ancaq çoxdan gözlənilən hədiyyələrin həvəsi, qonşu mənzildən sehrli torba ilə çıxan Şaxta babaya Yeni il məktubları hamı üçün maraqlıdır.
Qış sehrbazının poçtu
Şaxta babaya məktub yazmaq artıq xoş bir ənənəyə çevrilib. Yeni il ərəfəsində, hətta bu bayramlardan sonra da dünyanın hər yerində qış sehrbazının poçt şöbələrinə milyonlarla məktublar daxil olur. Bu məktublar müxtəlif dillərdə yazılır.Rusiya və Ukraynada DedMoroza, Türkiyədə Noel Babaya, ABŞ və Kanadada SantaKlausa, Böyük Britaniyada FazeKristmasa, Almaniyada Vaynaxtsmanna, İtaliyada BabboNataleyə, İranda Baba Noelə, Özbəkistanda AyozBoboya, Fransada PerNoelə…ünvanlanır.Dünyanın əksər ölkələrində Şaxta babaya məktub yazıb səbirsizliklə hədiyyə gözləmək 4 dekabrda bayram kimi qeyd olunur.
Dinozavrdan xoşbəxtliyədək
Yeni ildə hamı möcüzələrə inanır. Böyüklər də sanki uşaqlaşır. Hətta buna əvvəllər uşaq fantaziyası kimi yanaşan insanlar dabir gün yad gözlərdən yayınaraq əlləri titrəyə-titrəyə Şaxta babaya məktub yazırlar. Sadəcə, arzular fərqlidir. Son illərin uşaqlarının istəkləri dəyişib: Şaxta babadan daha çoxsmartfon, planşet istəyirlər. Hətta aralarında dinozavr istəyən də olur.Uşaqlar hədiyyə almaq üçün çox vaxt özlərini daha yaxşı aparacaqlarına söz verirlər, yəni bir növ sosial müqavilə imzalayırlar. Bu, onlarınsosiallaşmasındada rol oynayır.
Pandemiyadan xilas arzusu
Uşaqlardan fərqli olaraq böyüklərin xoşbəxtlik və sağlamlıq diləyi dəyişməz olaraq qalır. Düzdür, aralarındamənzil, avtomobil arzusunda olanlar da var.Təqaüdçülər maddi yardım istəyir, bəzən məmurlardan şikayətlənirlər. Amma hazırda demək olar ki, hamı- uşaqlar da, böyüklər də dünyanın pandemiyadan xilas olması üçün Şaxta babaya yalvarır. İnsanlarda arzularının eşidiləcəyinə, istəklərinin gerçəkləşəcəyinə ümid heç vaxt itmir.
Şaxta babaya məktub yazmağın bizdə nə qədər populyar olduğunu bilmirəm. Amma ara-sıra bu tip mesajlar haqda oxuyuram. Mən də bu yazımı məktub kimi yazıram. Şaxta babadan yalnız sağlamlıq istəyirəm. Elə bilirəm, bu arzuma qoşulanlar çox olar. Axı bu həm də xoşbəxtlik deməkdir…
Təranə Məhərrəmova
banner

Oxşar Xəbərlər