Serbiyalı rejissor növbəti filmini Çingizxana həsr edəcək

Serbiyalı rejissor növbəti filmini Çingizxana həsr edəcək

Mədəniyyət
03 İyun 2019, 15:00 281
Serbiyalı rejissor və musiqiçi Emir Kusturitsa 2020-ci ildə Çingizxan haqqında çəkdiyi filmi təqdim edəcək.
AZƏRTAC TASS agentliyinə istinadən xəbər verir ki, film böyük qırğız yazıçısı Çıngiz Aytmatovun povesti əsasında çəkilir.
"Məndə Çingizxan haqqında film çəkmək ideyası yaranıb. Bu şəxsiyyətə böyük bir film həsr etmək fikrindəyəm”, - deyə Kusturitsa bildirib.
Rejissor onu da əlavə edib ki, filmin çəkilişləri o cümlədən Rusiyada da aparılır.
Kusturitsa eyni zamanda aktyor olaraq 30-a yaxın filmə ssenari yazıb. Onun ekran əsərləri iki dəfə Kann kinofestivalında "Qızıl palma budağı”nı almaqla yanaşı, Avropada bir çox festivallarda mükafatlar qazanıb.