AZE | RUS | ENG |

Şefçoviç: Aİ potensial təchizatçıların "Cənub Qaz Dəhlizi" layihəsinə qoşulmaq niyyətini alqışlayır

Şefçoviç: Aİ potensial təchizatçıların
Avropa İttifaqı (Aİ) əlavə potensial təchizatçıların Azərbaycan qazının Avropaya nəqlini nəzərdə tutan "Cənub Qaz Dəhlizi" layihəsinə qoşulmaq marağını alqışlayır.

Bunu Trend-ə Avropa Komissiyasının enerji birliyi üzrə vitse-prezidenti Maroş Şefçoviç deyib.

M.Şefçoviç bildirib: "Biz hesab edirik ki, "Cənub Qaz Dəhlizi"nin mənbəyi "Şahdəniz" yatağı ilə məhdudlaşmır. Ona görə də biz Xəzər, Mərkəzi Asiya, Yaxın Şərq, Şərqi Aralıq dənizi və Qara dəniz regionlarından potensial əlavə təbii qaz təchizatçılarının Avropaya təbii qaz nəqlinin gələcək şaxələndirilməsi üçün bu dəhlizə qoşulmaq marağını alqışlayırıq".

Bu baxımdan, M.Şefçoviç qeyd edib ki, Aİ Azərbaycan və Türkmənistanla Transxəzər Boru Kəməri Sistemi layihəsinin həyata keçirilməsi istiqamətində danışıqlar aparır.
Vitse-prezident əlavə edib ki, Aİ Türkmənistan, Azərbaycan, Türkiyə və Aİ arasında enerji əməkdaşlığının inkişafını təmin etmək üçün 2015-ci ilin mayında imzalanmış Aşqabad bəyannaməsi əsasında potensial, kommersiya baxımından həyat qabiliyyətli nəqllərin şərtləri barədə danışıqları davam etdirməyə hazırdır.




Paylaş:

Facebook-da

Reklam

Xəbər lenti

Valyuta məzənnəsi

Tipi Ədə. Adı AZN
IRR 100 İran rialı 0.0040
GEL 1 Gürcü larisi 0.6914
GBP 1 İngilis funt sterlinqi 2.2363
TRY 1 Türk lirəsi 0.3578
KWD 1 Küveyt dinarı 5.6134
SEK 1 İsveç kronu 0.1913
EUR 1 Avro 1.9658
CHF 1 İsveçrə frankı 1.7038
USD 1 ABŞ dolları 1.7000