Bakı 15°C
"Milli maraqları yalnız ümummilli səyləri səfərbər etməklə qorumaq mümkündür" - Millət vəkili
"Qarşımızda duran ən əsas çağırışlardan və fəaliyyət istiqamətlərində biri də antiazərbaycançı təşkilatlanmalara qarşı mübarizə aparmaq olmalıdır"
"Postmüharibə mərhələsi yeni milli çağırışlar mərhələsidir. Bu təkcə quruculuq, böyük qayıdış, Qarabağın dirçəldiləmsi, diplomatik müharibədə ayıq-sayıqlığın qorunması ilə məhdudlaşan çağırışlar deyil, həm də ən yeni siyasi tariximizin yenidən öyrənilməsi və siyasi sistemimizin obyektiv əsaslarda yenidən təşkili ilə bağlıdır".
Kaspi.az xəbər verir ki, bu barədə Milli Məclisin deputatı Hikmət Babaoğlu bildirib.
O qeyd edib ki, cəmiyyətimizin bundan sonrakı inkişafı məhz siyasi sistemimizin keyfiyyəti və onun struktur elemntlərinin davranışları ilə şərtlənəcək: "Ona görə də Vətən müharibəsində əldə etdiyimiz böyük tarixi qələbə siyasi sistemimizdə də bu qələbənin yaratdığı keyfiyyət dəyişiklərini əks etdirməyi bacarmalıdır. 2020-ci ilin yekunları ilə bağlı keçiriln video müşavirədə Azərbaycan Prezidenti İlham Əliyevin toxunduğu məsələlərdən biri də məhz bu mövzu ilə bağlı oldu. Şübhəsiz ki, bu təsadüfi deyldi. Çünki 2020-ci ilin naliyyətləri sırasında önə çəkilən məsələlərdən biri də Parlament seçkilərindən sonra siyasi sistemimizdə yaranan yeni konfiqurasiya, dialoqa və əməkdaşlığa əsaslanan yeni siyasi mədəniyyət və bunun Vətən müharibəsində milli gücümüzə və həmrəyliyimizə verdyi töhfələr idi. Təcrübə bir daha göstərdi ki, yaşadığımız mürəkkəb regionda və çətin tarixi mərhələdə milli maraqları yalnız və yalnız ümummilli səyləri səfərbər etməklə qorumaq mümkündür".
Millət vəkilinin sözlərinə görə, bütövlükdə Azərbaycanın siyasi sistemi əslində belə bir gücü nümayiş etdirməyi bacarsa da sistemin audsayderləri kimi xarakterizə edə biləcəyimiz marginallar bu tarixi imtahanda xalqımızın yanında ola bilmədilər: "Tam əksinə düşmən dəyirmanına su tökməklə məşğul oldular. Döğrudur onların bir qismi necə deyərlər gündəlik siyasi "ruzi" qazanmaq üçün belə davransalar da digər bir qismi məqsədyönlü, ardıcıl və sistemli şəkildə Azərbaycan Dövlətinin, Azərbaycan Ordusunun, yəni əslində elə Azərbaycan xalqının marqlarının əleyhinə fəaliyyət göstərdilər. Belə sistemli antiazərbaycan fəaliyyətlə Antimilli Şura məşğul oldu. Bu şuranın özəyini isə öz fəaliyyətləri ilə hələ ötən əsrin 90-cı illərində Azərbaycan torpaqlarının işğal olunmasına səbəbiyyət verən, siyasi sistemimizdə radikalizimin, dağıdıcılığın təməlini qoyan Əli Kərimili, Cəmil Həsənli və AXC-Müsavat hakimiyyətində vaxtilə təmsil olunanlar təşkil edir. Milli marqlarımıza başqa bir istiqamətədən edilən hücumlar isə sosial şbəkələr və internet resurslarında formalaşdırılır. Onlar əslində vətəndaş mövqeyi nümayiş etdirən fəallar kimi təqdim edilsələr də fəaliyyətlərinə baxan zaman eyni bir mərkəzdən eyni məqsəd üçün təşkilatlandırılaraq idarə edildikləri aydın görünür. Təssüf ki, onları təşkilatlandıranlar da "sosial şəbəkə fəalları" edənlər də yenə Azərbaycanı sevməyən mərkəzlərdir. Ona görə də bu gün qarşımızda duran ən əsas çağırışlardan və fəaliyyət istiqamətlərində biri də bu çür antiazərbaycançı təşkilatlanmalara qarşı mübarizə aparmaq olmalıdır".
Alpər TURAN
