Masallıda növbəti səyyar-görüş olub
Masallı rayon İcra Hakimiyyəti başçısının qrafikə uyğun olaraq
növbəti səyyar görüş - qəbulu keçirilib.
Səyyar-görüş mayın 15-də Bədəlan
kəndində keçirilib. Səyyar görüş - qəbulda 150-dən çox kənd sakini iştirak edib.
Masallı rayon icra hakimiyyətinin başçısı Rafil Hüseynov ölkəmizin
sosial-iqtisadi inkişafı naminə dövlət səviyyəsində həyata keçirilən
tədbirlərin, eləcə də son vaxtlar əhalinin rifah halının yaxşılaşdırılması,
sosial problemlərin həlli istiqamətində ölkə rəhbərinin imzaladığı fərman və
sərəncamların geniş icmalını verib, regionlara göstərilən diqqəti nəzərə
çatdırıb, Masallıda görülən abadlıq-quruculuq işlərindən bəhs edib.O cümlədən,
cənab Prezidentin tapşırığına əsasən Masallı rayonunda görülən işlər barədə
ətraflı məlumat verib.
Sonra rayon icra hakimiyyətinin başçısı sakinləri narahat edən məsələlər
barədə məlumat və təklifləri dinləyib.
Ərazi sakinlərindən Sevda Babayeva, Həmdulla Məmmədov, Nizam Paşayev,
Sabir Əsədov, Gülnarə Novruzova, Akif Abbasov və başqaları çıxış edərək kiçik çay
fabrikinin, yanğınsöndürmə məntəqəsinin yaradılmasına, Bədəlan-Çayqıraq
kəndlərini ayıran körpünün, məscidin təmirinə kömək göstərilməsi məsələlərini
gündəmə gətiriblər.
Rayon icra hakimiyyətinin başçısı görüşü yekunlaşdıraraq, qaldırılan
məsələlərin həlli istiqamətində müvafiq qurumlara tapşırıqlar verib. Əksər
məsələlər yerində həll olunub, digərləri isə nəzarətə götürülüb.