Kənd təsərrüfatını inkişaf etdirəcək prioritet vəzifələr
Azərbaycan
RespublikasıPrezident Administrasiyasının rəhbəriRamiz
Mehdiyevyeni təyin olunmuş kənd təsərrüfatı naziri İnam Kərimovu
nazirliyin kollektivinə təqdim edib.Ramiz Mehdiyevnazir İnam
Kərimovun keçdiyi həyat yolu barədə ətraflı məlumat verərək qeyri-neft
sektorunun, xüsusilə də kənd təsərrüfatının ölkə iqtisadiyyatında əhəmiyyətli
rol oynadığını, bu sahənin inkişafı ilə bağlı böyük potensial imkanların
olduğunu diqqətə çatdırıb. İ.Kərimov ölkə başçısının ona göstərdiyi
yüksək etimada görə təşəkkürünü bildirib, qarşıya qoyulan vəzifələri layiqincə
yerinə yetirəcəyini qeyd edib. O, ölkə başçısının rəhbərliyi ilə
respublikamızda bütün sahələrdə olduğu kimi, qeyri-neft sektorunun, xüsusilə,
kənd təsərrüfatının uğurla inkişaf etdirildiyini bildirib. Kənd təsərrüfatı
naziri kollektivə təqdim olunarkən öz çıxışında 3 əsas fəaliyyət prinsipini
açıqlayıb. Nazir fəaliyyət prinsiplərində düzgün və səmərəli idarəçilik, kəndli
və fermerlərə yaxınlıq (şəffaflıq, səmərəlilik, hesabatlılıq) və
innovasiyaların tətbiqinin əsas götürüləcəyini qeyd edib. İnam Kərimov
fermerlərin qarşılaşdıqları problemlərin araşdırılması və həlli yollarının
tapılması, diqqət və qayğını artırmaqla onlara daha yaxın olmaq,
innovasiyaların, xüsusilə "Elektron Kənd Təsərrüfatı” layihəsinin tətbiqinin
genişləndirilməsi istiqamətində tədbirlərin həyata keçiriləcəyini vurğulayıb.
İqtisadçı-ekspert Qadir İbrahimlideyir ki, bu fəaliyyət prinsipləri kifayət qədər pozitiv siqnallardan xəbər
verir: "Önəmli olan bu prinsiplərin kağız üzərində deyil, təcrübədə tətbiq
olunmasıdır. Qeyd olunan prinsiplər həyata keçiriləcəksə, kənd təsərrüfatı tez
bir zamanda inkişaf edəcək. Bu, həm də ölkə iqtisadiyyatına böyük gəlirlər
gətirə bilər. Hələlik bu barədə danışmaq üçün tezdir. Yeni nazir öz hədəflərini
bəlli edib. Amma bütün hallarda, hesab edirəm ki, kənd təsərrüfatı
məhsullarının satış bazarlarının formalaşdırılması mühümdür. Emal sənayesinin
davamlı inkişafı kənd təsərrüfatı ilə vəhdət təşkil etməlidir”.
İqtisadçı Rəşad Həsənov deyir
ki, şəffaflığın təminatı ən vacib məsələdir: "İlk növbədə onu qeyd etmək
lazımdır ki, nazirin vurğuladığı üç ümumi yanaşma çox əhəmiyyətlidir. Ölkədə məşğul
əhalinin böyük bir hissəsi məhz bu sektorda çalışır. Digər tərəfdən aqrar
sektor ölkənin ixrac qabiliyyətli sektorlarından biri hesab olunur. Aqrar sahə,
eyni zamanda Azərbaycan üçün ənənəvi sahələrdən biridir. İqtisadiyyatın
şaxələndirilməsi və ixrac qabiliyyətinin artırılması baxımından aqrar sahə
Azərbaycan üçün mühüm əhəmiyyət kəsb edir. Amma təəssüflər olsun ki, bu günə
qədər bu istiqamətdə aparılan islahatlar və islahat xarakterli dövlət
proqramları effekt verməyib. Əgər, 2000-ci illərin əvvəllərində bu sektorun
iqtisadiyyatda payı 15 faizdən yuxarı idisə, bu gün bu rəqəm 5 faizə qədər
azalıb. Kənd təsərrüfatı digər sahələrlə müqayisədə daha az böyüyən sektordur.
Ona görə də iqtisadiyyatda ümumi payını itirməkdədir. Sektorun inkişafına
hədəflənən subsidiyaların böyük bir hissəsi müxtəlif formada korrupsiya
predmetinə çevrilib. Kənd təsərrüfatının texniki imkanlarının genişləndirilməsi
məqsədi ilə həyata keçirilən proqramlarda iri həcmli yeyintilər onu göstərir
ki, bu sahədə ciddi şəkildə şəffaflığın təmin edilməsinə ehtiyac var. Düşünürəm
ki, yeni nazir bu problemlərin öhdəsindən uğurla gələ biləcək”.
Ekspert
qeyd etdi ki, bir sıra hallarda fermerlər öhdəlikləri yerinə yetirən qurumlar tərəfindən
aldadılır: "Qeyd etdiyim kimi, Azərbaycanda əhalinin böyük əksəriyyəti öz gəlirini
bu sektor vasitəsi ilə qazanır. Belə bir
şəraitdə azərbaycanlı fermerlər ciddi problemlərlə üzləşirlər. Bu sahənin inkişafı
üçün ilk növbədə şəffaflığa təminat verilməli, elektron hökumətin imkanlarında
maksimum istifadə edilməlidir. Yeni nazir bu istiqamətdə kifayət qədər
təcrübəli bir şəxsdir. Onun bu sektorda effektiv fəaliyyətinə şərait
yaradılmalıdır. Əgər kimlərinsə maraqlarına uyğun gəlmədiyi üçün aparılan
islahatların qarşısı alınarsa, heç bir nəticə əldə edə bilmərik. Bu baxımdan,
yeni nazirin effektiv idarəetmə qabiliyyəti və bacarıqları bu çatışmazlıqları
aradan qaldırmağa kifayət edir. Bütün hallarda, sözügedən sahədə ciddi
islahatların olacağı gözlənilir. Göstərilən fəaliyyətin effektivliyi təmin
edilərsə, sektorda digər istiqamətlərdə də dəyişiklikləri görmək mümkün olacaq”.
Şəbnəm Mehdizadə