Ərdoğan Putinlə İdlibdə türk hərbçilərinə edilən hücumu müzakirə edəcək

Ərdoğan Putinlə İdlibdə türk hərbçilərinə edilən hücumu müzakirə edəcək

Siyasət
22 Avqust 2019, 15:45 6026
Türkiyə prezidenti Rəcəb Tayyib Ərdoğan Suriyanın İdlib bölgəsindəki türk hərbçilərinə endirilən hava zərbələrini Rusiya prezidenti Vladimir Putinlə müzakirə edəcək.
Report xəbər verir ki, bu sözlər Türkiyə prezidentinin müşaviri İbrahim Kalın bildirilib.
"Suriyadakı türk hərbçilərinə edilmiş hücumla əlaqədar danışıqları davam etdiririk və bu məsələ ilə bağlı mövqeyimizi Rusiya tərəfinə çatdırmışıq. Bundan əvvəl, bütün müşahidə postlarının təhlükəsizliyinin təmin olunmasına dair razılıq əldə olunub. Bunun belə olacağını gözləyirik. Yaxın gələcəkdə prezidentimiz bu barədə Rusiya Prezidenti Vladimir Putinlə telefon danışığı aparacaq”.
O, Rusiya tərəfinə rəsmi Dəməşqə Türkiyənin müşahidə postlarına yeni hücumların qarşısını almaq məqsədi ilə təsir göstərməsi üçün çağırış edib.